ನನ್ನ ಅಮೇರಿಕಾ ಪಯಣ.........ಭಾಗ 3

"Wake Up SID", ಈ ಹಿಂದಿ ಚಲನಚಿತ್ರದಲ್ಲಿ ನಟ ರಣಬೀರ್ ಕಪೂರ್ ನ ಅಭಿನಯ ಅಧ್ಭುತ ಅಂತ ಹೇಳ್ಬೇಕು. ಈತ ಹೊಸ ನಾಯಕ ನಟನಾದ್ರು, ಅಭಿನಯ ನುರಿತನ ಹಾಗೆ. ನಾನು ಇದಕ್ಕೆ ಮುಂಚೆ ಈತನ "AZAB PREM KI GAZAB KAHANI" ಚಲನಚಿತ್ರ ನೋಡಿದ್ದೇ. ಅದರಲ್ಲೂ ಇವನ ಅಭಿನಯ ಚೆನ್ನಾಗಿತ್ತು. ಹಾಗೆ ಈ ಚಲನಚಿತ್ರ ನೋಡಲು ಕೂಡ ಮನಸ್ಸಾಯಿತು. ಇನ್ನು ನಟಿ ಕೊನ್ಕೋಣಸೇನ್, ಇವಳ ಅಭಿನಯ ನಾನು "Page 3" ಮತ್ತು "Life...in a Metro" ದಲ್ಲಿ ನೋಡಿದ್ದೆ. ಅದೇ ಅಭಿನಯ ಈ ಚಿತ್ರದಲ್ಲಿ ಕೂಡ. ಚಿತ್ರದ ಬಗ್ಗೆ ಹೇಳಬೇಕು ಎಂದರೆ, ನಟ ಸಿದ್ದಾರ್ಥ್ ದೊಡ್ಡ ವ್ಯಾಪಾರಸ್ತರ ಮಗ. ಇವನಿಗೆ ತನ್ನ ತಂದೆಯ ಹಣವನ್ನು ಹೇಗೆ ಖರ್ಚು ಮಾಡೋದು ಅನ್ನೋದೇ ಗುರಿ. ಇವನ ಪದವಿ ಪರೀಕ್ಷೆ ಮುಗಿದ ಮೇಲೆ, ತಂದೆ ತನ್ನ ಕಛೇರಿಯಲ್ಲೇ ಇವನಿಗೆ ಕೆಲಸ ಮಾಡಲು ಆಹ್ವಾನಿಸುತ್ತಾರೆ. ಇವ್ನು ಒಪ್ಪಿಕೊಳ್ತಾನೆ, ಯಾವಾಗ ಗೊತ್ತಾ, ತಂದೆ ಇವನಿಗೆ ಕಾರು ಕೊಡಿಸ್ತೇನೆ ಅಂತ ಭರವಸೆ ಕೊಟ್ಟ ನಂತರ. ಇನ್ನೋದ್ ವಿಶಯ ಅಂದ್ರೆ, ಇವನಿಗೆ ಫಾರ್ಮಲ್ ಡ್ರೆಸ್ ಅಂದ್ರೆ ಆಗಲ್ಲ, ಅದೇ ಅಂಗಿ ಮತ್ತು ಪ್ಯಾಂಟ್ . ಯಾವಾಗಲೂ T-Shirt ಧರಿಸಿ ಕಚೇರಿಗೆ ಹೋಗ್ತಾ ಇರ್ತಾನೆ. ಇದು ಮತ್ತು ಕೆಲವು ಅಂಶಗಳನ್ನು ಗಮನಿಸಿದ ಇವನ ತಂದೆ, ಇವನನ್ನು ಮನೆಯಿಂದ ಹೊರಗೆ ಕಳಿಸ್ತಾರೆ. ಇವನಿಗೆ ನಟಿ ಪರಿಚಯ, ತನ್ನ ಸ್ನೇಹಿತೆಯಿಂದ ಆಗಿರುತ್ತೆ. ಇವಳನ್ನು ಅವ್ನು ಇಷ್ಟ ಪಡ್ತಿದೀನಿ ಅಂತ ಹೇಳ್ತಾನೆ. ಅವಳು ಒಪ್ಪಲ್ಲ. ಹೀಗೆ ಕಥೆ ಮುಂದುವರಿದು, ಇವ್ನು ಒಂದು ಒಳ್ಳೆ ಛಾಯಾಗ್ರಾಹಕ ಆಗತಾನೆ. ಇವ್ಳು ದಿನ ಪತ್ರಿಕೆಯ ಲೇಖಕಿ ಆಗ್ತಾಳೆ. ಇವನಿಗೆ ಕೆಲಸ ಕೊಡಿಸೋದು ಕೂಡ ನಟೀನೆ. ಹೀಗೆ ಇವ್ನು ಒಂದು ಒಳ್ಳೆ ಸಮಯ ನೋಡಿ ತನ್ನ ತಂದೆಗೆ ತನ್ನ ಬಗ್ಗೆ ತಿಳಿಸುತ್ತಾನೆ ಹಾಗೂಅವರು ಒಪ್ಪಿಕೊಂಡ ನಂತರ ತನ್ನ ಮನೆಗೆ ವಾಪಸ್ಸಾಗುತ್ತಾನೆ. ಇಷ್ಟಕ್ಕೂ ಮುಂಚೆ ನಟಿಯ ಮನೆಯಲ್ಲಿ ಟಿಕಾಣಿ ಹೂಡಿ ಅವಳನ್ನು, ಬಿಟ್ಟು ಬಂದಾಗ, ಇಬ್ಬರಿಗೂ ಸಹಜ ಪ್ರೀತಿಯಾಗಿ, ಮತ್ತೆ ಇವಳನ್ನು ಭೇಟಿಯಾಗಲು ವಾಪಸ್ಸಾಗುತ್ತಾನೆ. ಇಲ್ಲಿಗೆ ಚಲನ ಚಿತ್ರ ಮುಗಿಯಿತು. ಬೇರೆ ಇಂಗ್ಲಿಷ್ ಭಾಷೆಯ ಚಿತ್ರಗಳಾದ "ಅವತಾರ್", "How To Train your Dragon" ಕೂಡ ನೋಡಲು ಪ್ರಾರಂಭಿಸಿದೆ. ಆದರೇ ಪೂರ್ತಿ ಮಾಡಲಿಲ್ಲ. ಇನ್ನು ರೇಡಿಯೋ ಕಥೆಗೆ ಬಂದ್ರೆ, ನಾನು ಕೇಳದೆ ಇರೋ ಇಂಗ್ಲಿಷ್, ಸ್ಪಾನಿಶ್, ಜಪಾನೀಸ್ ಭಾಷೆದವು. ಅದರಲ್ಲಿ ಅಷ್ಟು ಮಜಾ ಸಿಗ್ಲಿಲ್ಲ. ಮುಂದೆ ಗಗನ ಸಖಿಯರಿಂದ ಹಣ್ಣಿನ ರಸ ಪೂರೈಕೆ. ಜ್ಯೋತ್ಸ್ನಾ ಕೆಂಪು ಬಣ್ಣದ ದ್ರಾಕ್ಷಾ ರಸ ತಗೊಂಡ್ಲು. ನಾನೇನು ಕಡಿಮೆ ಅಂತ ಅದನ್ನೇ ತಗೊಂಡೆ. ನಿಮಗೆ ಬ್ರಾಂಡಿ, ವಿಸ್ಕಿ ಕೂಡ ಇತ್ತು. ಏನುಬೇಕಾದರೂ ತಕೊಬಹುದು. ಅದರ ಜೊತೆಗೆ ಆಪಲ್ ರಸ, ಮಾವಿನ ರಸ, ಕಿತ್ತಳೆ ರಸ, ಕೋಕ್ ಕೂಡ ಇತ್ತು. ಕೆಂಪು ಬಣ್ಣದ ದ್ರಾಕ್ಷಾ ರಸ ಏಕೆ ತಕೊಂಡ್ಲು ಅಂತ ನನಗೆ ಗೊತ್ತಿಲ್ಲ,, ತಿಳ್ಕೊಬೇಕು, ಏನ್ ಮಾಡೋದು. ಇದು ಹೃದಯಕ್ಕೆ ಒಳ್ಳೇದು ಅನ್ನೋದು ನಿಮಗೆ ಗೊತ್ತಾ ? ನನಗಂತೂ ಗೊತ್ತಿರಲಿಲ್ಲ ಬಿಡಿ, ಜ್ಯೋತ್ಸ್ನಾ ಹೇಳೋ ವರೆಗೂ. ಅದರಷ್ಟು ಬೇಗ ಪ್ರಭಾವ ಬೀರುವ ಇನ್ನೊಂದು ರಸ ಇರಲ್ಲ ಬಿಡಿ. ನನಗೆ ಕುಡಿದ ಮತ್ತು ನೆತ್ತಿಗೇರಿ ಹಾಗುಹೀಗೆ ಸ್ವಲ್ಪ ಮಲ್ಕೊಂಡೆ. ಮತ್ತೆ ಎಚ್ಚರ ಆದಾಗ, ಹೀಗೆ ಮಾತು ಕಥೆ ಮುಂದುವರೆದು, ಇನ್ನೇನು ನನ್ನ ಮೊದಲ ವಿಮಾನ ಪ್ರಯಾಣ ಮುಗಿಯೋ ಸಮಯ ಬಂತು. ಅಂದರೆ ಲಂಡನ್ ಹತ್ತಿರ ಬಂತು, ನನಗೆ ಅವಳ ಫೋನ್ ಸಂಖ್ಯೆ ಅಥವಾ ವಿಳಾಸ ತಿಳಿದು ಕೊಲ್ಲಬೇಕು ಅನ್ನೋ ಕಾತುರ . ಕೇಳೆಬಿಟ್ಟೆ ಕೊನೆಗೆ, ಕೊಟ್ಳು ನೋಡಿ, ಏನನ್ನ ಅಂತೀರಾ......, ಹೇಳ್ತೀನಿ, ಇನ್ನು ಕಥೆ ಮುಗಿದಿಲ್ಲ ......ಮುಂದುವರಿತಾನೆ ಇರುತ್ತೆ.... ?
http://ravinrao.blogspot.com/2010/06/2.html
http://ravinrao.blogspot.com/2010/05/1.html

ನನ್ನ ಅಮೆರಿಕ ಪಯಣ.........ಭಾಗ 2

ಹೀಗೆ ಮಾತು ಕಥೆ ಜ್ಯೋತ್ಸ್ನಳ ಜೊತೆ ನಡೀತಾ ಇದೆ. ಅವಳು ದೆಹಲಿ ಇಂದ ಬಂದು ಬೆಂಗಳೂರಿನಲ್ಲಿ ಮದುವೆ ಆಗಿ ನೆಲೆಸಿದ್ದಾಳೆ. ಸದ್ಯಕ್ಕೆ ಅವಳ ಮಾವ ಅತ್ತೆ ಜೊತೆ ಕಲ್ಯಾಣ ನಗರದಲ್ಲಿ ಇದಾಳೆ. ಇವಳ ಗಂಡ ನನ್ನ ತರಹ ಗಣಕ ಯಂತ್ರ ಅಭಿಯಂತರ. ನ್ಯೂ ಜರ್ಸಿ , ಅಮೇರಿಕಾದಲ್ಲಿ ಇದ್ದಾನೆ. ಎರಡು ಕಾರ್ ಬೇರೆ ಇದೆ ಯಂತೆ ಅವನ ಹತ್ತಿರ. ಈಕೆ ಹಲ್ಲಿನ ಡಾಕ್ಟರ. ಇವಳು ಅಮೇರಿಕಾದಲ್ಲಿ ಕೆಲಸ ಆ ಮಾಡೋ ಹಾಗೆ ಇಲ್ಲ. ಏಕೆ ಗೊತ್ತ, ಯಾವುದೇ ಡಾಕ್ಟರ ಪದವಿ ಅಮೆರಿಕಾದ ಹೊರಗೆ ಮಾಡಿದ್ದರೆ ಅದು ಅಮೇರಿಕಾದಲ್ಲಿ ನಿಮಗೆ ಕೆಲಸ ಸಿಗೋ ಹಾಗೆ ಮಾಡಲ್ಲ. ಅಂದರೆ ಇಲ್ಲಿನ ವರು ಅದನ್ನು ಅಂಗೀಕರಿಸುವುದಿಲ್ಲ. ಅದಕ್ಕೆ ಈಕೆ ವಿದ್ಯಾರ್ಥಿಯಾಗಿ ತನ್ನ Clinical ಉನ್ನತ ಪದವಿಯನ್ನು ಮಾಡುತ್ತಿದ್ದಾಳೆ, ಅಮೇರಿಕಾದಲ್ಲಿ. ಕೆಲವು ದಿನಗಳ ಹಿಂದೆ ಯಷ್ಟೇ ಬೆಂಗಳೂರಿಗೆ ಬಂದಿದ್ದಳು. ತನ್ನ ಅತ್ತೆ ಮಾವನನ್ನು ನೋಡಲು. ಈಗ ಹಿಂತಿರುಗುತ್ತಿದ್ದಾಳೆ. ನ್ಯೂ ಜರ್ಸಿ ಯಲ್ಲಿ ನನ್ನ ಅಣ್ಣನಾದ ವೆಂಕಟೇಶನು ಇರುವನು ಎಂದು ಅವಳಿಗೆ ತಿಳಿಸಿದೆ. ಹಾಗು ನನ್ನ ಅತ್ತಿಗೆಯಾದ ಪೂರ್ವಿ ಕೂಡ ಅವನಜೊತೆ ಇರುವಳು. ಈಕೆ ಗರ್ಭಿಣಿ ಇನ್ನೇನು ತನ್ನ ಕಂದಮ್ಮನ ನಿರೀಕ್ಷೆಯಲ್ಲಿ ಇದ್ದಾಳೆ ಎಂದು ಜ್ಯೋತ್ಸ್ನಳಿಗೆ ತಿಳಿಸಿದೆನು. ಹಾಗು ನನಗೆ ಸಮಯ ಸಿಕ್ಕಲ್ಲಿ ನ್ಯೂ ಜರ್ಸಿಗೆ ಬರುವು ದಾಗಿ ಕೂಡ ಆಕೆಗೆ ತಿಳಿಸಿದೆನು. ಈಗ ಊಟದ ಸಮಯ ಗಗನ ಸಖ ಸಖಿಯರು, ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಊಟಗಳನ್ನು ವಿಂಗಡಿಸಿ, ಎಲ್ಲ ಪ್ರಯಾಣಿಕರಿಗೂ ಹಂಚಿದರು. ನಾನು ಮತ್ತು ಜ್ಯೋತ್ಸ್ನಾ ಸಸ್ಯಾಹಾರಿ ಊಟ ತೆಗೆದು ಕೊಂಡೆವು , ಅವಳು ಸಸ್ಯ ಹಾರಿನೆ. ಆದರೇ ಅವಳ ಗಂಡ ಸಸ್ಯಾಹಾರಿಯಿಂದ ಮಾಂಸಾಹಾರಿ ಯಾಗಿ ಪರಿವರ್ತನೆ ಆಗಿದ್ದಾನೆ ಎಂದು ತಿಳಿಸಿದಳು. ಅಮೇರಿಕಾದಲ್ಲಿ ಎಲ್ಲ ಹೀಗೆ ಆಗೋದು. ನನ್ನ ಅಣ್ಣ ವೆಂಕಟೇಶನು ಕೂಡ ಹೀಗೇನೆ. ಅವನ ಕಥೆ ಬರೆಯಲಿಕ್ಕೆ ಸ್ವಲ್ಪ ಸಮಯ ಬೇಕ್ರಪ್ಪ. ಊಟದ ಬಗ್ಗೆ ಹೇಳ್ಬೇಕು ಅಂದ್ರೆ ಚೆನ್ನಾಗೆ ಇತ್ತು. ಸ್ವಲ್ಪ ಬಿಸ್ಕೆಟ್, ಬನ್, ಚಾಕಲೇಟ್ ಇತ್ಯಾದಿ ಕೂಡ ಇತ್ತು. ಈಗ ನನ್ನ ಸೀಟ್ ನ ಮುಂದೆ ಇದ್ದ ದೂರದರ್ಶನದಲ್ಲಿ ಏನೇನು ಇದೆ ಎಂದು ವೀಕ್ಷಣೆ ಶುರುವಾಯಿತು. ಇದೆ ಮೊದಲ ಬಾರಿ ವಿಮಾನ ಪ್ರಯಾಣವಾದ್ದರಿಂದ ಇದನ್ನು ಹೇಗೆ ಉಪಯೋಗಿಸೋದು ಎಂದು ತಿಳಿದಿರಲಿಲ್ಲ. ನಂತರ ಅಭ್ಯಾಸ ಆಗಿ ಹೋಯಿತು. ಇದು ಸ್ಪರ್ಶದ ಪರದೆ. ಅಂದರೆ ನಿಮಗೆ ಇಲ್ಲಿ ಬೇಕಾದಷ್ಟು ವಿಷಯಗಳಾದ ರೇಡಿಯೋ, ಚಲನಚಿತ್ರ, ಮಾರ್ಗದ ನಕ್ಷೆ, ಹೀಗೆ ಹಲವಾರು ಇದ್ದವು. ನೀವು ನಿಮಗೆ ಬೇಕಾದ ವಿಷಯವನ್ನು ಸ್ಪರ್ಶಿಸಿ ಆಯ್ಕೆ ಮಾಡಿಕೊಳ್ಳಬೇಕು. ನಾನು ಚಲನಚಿತ್ರಕ್ಕೆ ಹೋಗಿ, ಹಿಂದಿ ಭಾಷೆಯ ಚಲನಚಿತ್ರ ದ ಆಯ್ಕೆ ಮಾಡಿದೆನು. ಇಲ್ಲಿ ಬರಿ ರಾಷ್ಟ್ರೀಯ ಭಾಷೆಗಳ ಚಲನಚಿತ್ರಗಳು ಮಾತ್ರ ಇದಾವು. ಕನ್ನಡತೆಲುಗು, ತಮಿಳು ಮುಂತಾದ ಪ್ರಾದೇಶಿಕ ಭಾಷೆಗಳ ಚಲನ ಚಿತ್ರಗಳು ಇಲ್ಲಿ ಸಿಗಲ್ಲ. ಹಾಗೇನೆ ರೇಡಿಯೋ ಕೂಡ, ಬರೀ ಇಂಗ್ಲಿಷ್, ಸ್ಪಾನಿಶ್, ಫ್ರೆಂಚ್ ಮುಂತಾದುವು ಮಾತ್ರ ಇಲ್ಲಿ ಇರುತ್ತೆ. ನಾನು ಹಿಂದಿ ಚಲನ ಚಿತ್ರ "Wake Up SID" ವೀಕ್ಷಣೆ ಪ್ರಾರಂಭ ಮಾಡಿದೆ...ಇದು ಹೇಗಿದೆ ಅಂತ ಮುಂದಿನ ಭಾಗದಲ್ಲಿ ಹೇಳ್ತೀನಿ. .....
http://ravinrao.blogspot.com/2010/05/1.html

PALINDROMES IN KANNADA -- ಗತಪ್ರತ್ಯಾಗತ; ಸಮಾನ ಪೂರ್ವಾಪರ; ಎಡದಿಂದ ಬಲಕ್ಕೂ, ಬಲದಿಂದ ಎಡಕ್ಕೂ ಓದಿದರೆ ಒಂದೇ ಆಗುವ-ಪದ, ಪದ್ಯ, ಸಾಲು

ಗೆಳೆಯರೇ/ಗೆಳತಿಯರೆ,
ಇಂದಿನ ಹೊಸ ವಿಷಯಕ್ಕೆ ಬರೋಣ. ಅದೇ PALINDROME . ಇದಕ್ಕೆ ಕನ್ನಡದಲ್ಲಿ ಗತಪ್ರತ್ಯಾಗತ ಎಂದು ಹೆಸರು.
ಇದು ಎಡದಿಂದ ಬಲಕ್ಕೆ ಓದಿದರೂ, ಬಲದಿಂದ ಎಡಕ್ಕೆ ಓದಿದರೂ ಆಗುವ ಒಂದೇ ಪದ. (ಹಿಂದೂ ಮುಂದಾಗಿ ಕೂಡ) ಉದಾಹರಣೆಗೆ ಇಂಗ್ಲಿಷ್ ನಲ್ಲಿ MADAM, MALAYALAM, ಹೀಗೆ ಬೇಕಾದಷ್ಟು ನೀವು ಕೇಳಿರಬಹುದು.
ಆದರೇ ನಮ್ಮದೇ ಆದ ಕನ್ನಡ ಭಾಷೆಯಲ್ಲಿ ಕೂಡ ಕೆಲವು ಇವೆ. ಅವುಗಳನ್ನು ನಾನು ಇಲ್ಲಿ ಪಟ್ಟಿ ಮಾಡುತ್ತಿದ್ದೇನೆ. ನಿಮಗೆ ಸಿಕ್ಕರೂ ಕೂಡ ಇಲ್ಲಿ ಅದನ್ನು ಸೇರಿಸಿ. ಕಿಟಕಿ ಬಲು ಸುಲಭವಾದದ್ದು
ಮೊದಲಿಗೆ : ವಿಕಟಕವಿ --> ತುಂಬಾ ಚಿರಪರಿಚಿತವಾಗಿರೋದು.
ಎರಡನೇದು: ಕುಬೇರನಿಗೆನಿರಬೇಕು.--> ತುಂಬಾ ಹಳೆಯದು, ಬಹು ಪ್ರಸಿದ್ದವಾದದ್ದು
ಮದ್ರಾಸಿನ ಸಿದ್ರಾಮ, ಗೀತೆಯ ಕಿಟಕಿಯ ತೇಗಿ, ಮನುಜನ ಜನುಮ, ರಾಧಾನಯನಧಾರಾ, ವಿರಹದಾಹರವಿ, ವೇದವಾಕ್ಯ ವಾದವೇ, ಸದಾ ಕನಕದಾಸ, ಸರದ ಪಾದರಸ, ನವ ಜೀವನ, ಬಾರೆ ನೀರೆ ಬಾ, ಸಾಕಪ್ಪ ಕಸಾ, ವಂದೇ ದೇವಂ, ಕಟಕ, ಕನಕ, ಕಳಂಕ, ಕಾಳಿಕಾ, ಗದಗ, ಚಮಚ, ಜಲಜ, ದಕ್ಕದ, ದರ್ಪದ, ನವೀನ, ಮದ್ಯಮ, ಮುಲಾಮು, ವಾದವಾ?, ವಾದ್ಯವಾ? , ಸಮೋಸ, ಸಮಾಸ, ಸುರಿಸು, ವೇಷವೆ ?

ಹೀಗೆ ಪಟ್ಟಿ ಮಾಡ್ತಾ ಹೋದ್ರೆ, ಬೇಕಾದಷ್ಟು ಸಿಗುತ್ತೆ, ಆಲ್ವಾ ?

ಚೆನ್ನೈ (ಮದ್ರಾಸ್) ಸಖತ್ ಹಾಟ್ ಮಗ...

ನಾನು ದಿನಾಂಕ 6 ಮೇ 2010 ರಂದು ಚೆನ್ನೈ ಗೆ ನನ್ನ ಪಯಣ ಆರಂಭಿಸಿದೆ. ದಿ 7 ರಂದು ನನ್ನ ಅಮೇರಿಕಾದ ವೀಸಾ ಸಂದರ್ಶನ ಬೆಳಿಗ್ಗೆ 9ಕ್ಕೆ ಇದ್ದುದರಿಂದ, ಹಿಂದಿನ ದಿನವೇ ನನ್ನ ಪಯಣ ಆರಂಭಿಸಿದೆ. ಮದ್ಯಾನ್ಹ 12 ಕ್ಕೆ ಕೆಂಪೇಗೌಡ ವಾಹನ ನಿಲ್ದಾಣದಿಂದ ಹೊರಟ ಬಸ್ಸು ಓಲ್ಡ್ ಮದ್ರಾಸ್ ರಸ್ತೆ ಮಾರ್ಗವಾಗಿ ಚೆನ್ನೈ ನ ಕಡೆ ಪ್ರಯಾಣ ಬೆಳೆಸಿತು. ಕೆ.ಅರ್.ಪುರ ಬಸ್ ನಿಲ್ದಾಣ ದಲ್ಲಿ ಕೆಲವರನ್ನು ಹತ್ತಿಸಿಕೊಳ್ಳಲು ಸ್ವಲ್ಪ ಸಮಯ ನಿಲ್ಲಿಸಲಾಗಿತ್ತು. ಇಲ್ಲಿಂದ ಮುಂದೆ ಹೊರಟ ಬಸ್ ಸಂಚಾರ ಮುಂದೆ ನಿಲ್ಲಿಸಿದ್ದು ಪಲಮನೆರುನ ಬಳಿ. ಇದಕ್ಕೂ ಮುಂಚೆ ರಿಯಲ್ ಸ್ಟಾರ್ ಉಪೇಂದ್ರ ಅವರ "ಬುದ್ಧಿವಂತ" ಚಲನಚಿತ್ರವನ್ನು ಪ್ರಸಾರ ಮಾಡಿದ್ದರು. ಇಲ್ಲಿ ೩ ಗಂಟೆಗೆ ನಿಲ್ಲಿಸಿದ ಬಸ್, ಎಲ್ಲರು ಊಟ ಮಾಡಿದ ಮೇಲೆ ೩.೩೦ ಕ್ಕೆ ಮತ್ತೆ ತನ್ನ ಸಂಚಾರ ಆರಂಬಿಸಿತು. ಈಗ ಮತ್ತೆ ಬೇರೆ ಚಲನಚಿತ್ರ ಪ್ರಸಾರ ಮಾಡಿದರು. ಅದು ಬಾಲಿವುಡ್ ನ "DOSTANA" . ಇದು ಸಲಿಂಗಗಳ ಚಲನಚಿತ್ರ ಆಗಿತ್ತು. ಆದರು ಚಿತ್ರ ಪೂರ್ತಿ ಹಾಸ್ಯ ಬರಿತವಾಗಿತ್ತು. ವಿಶಾಲ್-ಶೇಖರ್ ಅವರ ಸಂಗೀತದಲ್ಲಿ ಮೂಡಿಬಂದ ಹಾಡುಗಳು ತುಂಬಾ ಚೆನ್ನಾಗಿತ್ತು. ಜಾನ್ ಅಬ್ರಹಂ, ಅಭಿಷೇಕ್ ಬಚನ್, ಹಾಗು ಪ್ರಿಯಾಂಕ ಚೋಪ್ರ ಅವರ ನಟನೆ ಯು ಕೂಡ ಚೆನ್ನಾಗಿತ್ತು. ಈ ಚಲನಚಿತ್ರ ಮುಗಿಯುವ ಹೊತ್ತಿಗೆ ನಾವು ಚೆನ್ನೈ ಹತ್ತಿರ ಬಂದಿದ್ದೆವು. ಸಮಯ 7ಗಂಟೆ ಹೊಡೆದಾಗ ನಮ್ಮ ಬಸ್ಸು ಚೆನ್ನೈ ನ ಕೊಯಂ ಬೀಡು ಬಸ್ ಸ್ಟ್ಯಾಂಡ್ ಬಳಿ ನಿಲ್ಲಿಸಿತು. ಇದೆ ಕೊನೆಯ ಬಸ್ ನಿಲ್ದಾನವಾದ್ದರಿಂದ ಇಲ್ಲಿಯೇ ಎಲ್ಲರೂ ಇಳಿದುಕೊಂಡರು. ನನಗೆ ಬರುತ್ತಿದ್ದ ಅರೆ-ಬರೆ ತಮಿಳು ಭಾಷೆಯಲ್ಲಿ ಆಟೋನವನನ್ನು ನಮ್ಮ ಕಂಪನಿಯ ಅತಿಥಿ ಗೃಹ ದ ಬಳಿ ಕರೆದೊಯ್ಯಲು ಕೇಳಿದೆನು. ಅವನು 250 ರೂ ಎಂದು ಹೇಳಿದಾಗ ನನ್ನ ತಲೆ ಜುಮ್ ಎಂದಿತು. ಇಲ್ಲಿ ಆಟೋ ಗಳಿಗೆ ಮೀಟರ್ ಇಲ್ಲ ಎಂದು ಆಗಲೇ ನನಗೆ ತಿಳಿದಿದ್ದು. ಅವನನ್ನು ಬಿಟ್ಟು, ಮುಂದೆ ಮತ್ತೊಬ್ಬನನ್ನು ವಿಚಾರಿಸಿದಾಗ ಅವನು ೨೦೦ ರೂ ಕೇಳಿದನು. ಅವನಿಗೂ ಇಲ್ಲ ಎಂದು ಹೇಳಿ ಹಾಗೆ ಮುಂದೆ ಸಿಟಿ ಬಸ್ ನಿಲ್ದಾಣದ ಕಡೆ ಹೆಜ್ಜೆ ಹಾಕಿದೆನು. ಇಲ್ಲಿಂದ ೨೯ ನೆ ನಂಬರ್ ಬಸ್ಸು ಹತ್ತಿ ಮಂದವಳಿ ಗೆ ಟಿಕೆಟ್ ತೆಗೆದು ಕೊಂಡೆನು. ಟಿಕೆಟ್ ಬೆಲೆ ಕೇಳ್ತಿರಾ ಕೇವಲ 5ರೂ ಗಳು ಮಾತ್ರ. ಇದನ್ನೇ ಚೆನ್ನೈ ಅನ್ನೋದು. ಇಲ್ಲಿ ಬಸ್ ರೇಟ್ ಕಡಿಮೆ ಆಟೋ ರೇಟ್ ಜಾಸ್ತಿ. ಸುಮಾರು 8ಗಂಟೆಗೆ ಮಂದವಳಿ (ಕೊನೆಯ ನಿಲ್ದಾಣ) ನ ಬಳಿ ಬಸ್ಸು ನಿಂತಿತು. ಇಲ್ಲಿಂದ ನಮ್ಮ ಕಂಪನಿಯ ಅತಿಥಿ ಗೃಹ ದ ಬಳಿ ತಲುಪಲು 5ನಿಮಿಷ ಹಿಡಿಯಿತು. ಇಲ್ಲಿಗೆ ತಲುಪಿದಾಗ ನನ್ನ ಮೈಯೆಲ್ಲಾ ಬೆವೆತು ಬೆಂದು ಹೋಗಿತ್ತು. ಇಲ್ಲಿ ನಾನು ಸ್ನಾನ ಮಾಡಿ ಸ್ವಲ್ಪ ವಿಶ್ರಾಂತಿ ತೆಗೆದು ಕೊಂಡೆನು. ಇಲ್ಲಿನ sಹಾಯನ ಗೃಹದಲ್ಲಿ ಮಾತ್ರ A.C ಇತ್ತು. ಇಲ್ಲಿಂದ ಹೊರಗಡೆ ಹೋಗಲು ಮನಸ್ಸೇ ಬರುತ್ತಿರಲಿಲ್ಲ. ಹೊರಗಡೆ ಬಹಳ ಸೆಖೆ ಇತ್ತು. ಪಂಕ ಓಡಿದರೂ ಕೂಡ ತಣ್ಣನೆಯ ಗಾಳಿ ಬರುತ್ತಿರಲಿಲ್ಲ. ಹೇಗೋ ಸ್ವಲ್ಪ ಊಟ ಮಾಡಿ ಮಲಗಲು ಅಣಿಯಾದರೆ ಪವರ್ ಕಟ್. ಕಥೆ ಮುಗಿಯಿತು. ಕೆಲವು ನಿಮಿಷಗಳ ನಂತರ ಮತ್ತೆ ಕರೆಂಟ್ ಬಂತು. ಮತ್ತೆ ಹೋಯಿತು. ಹೀಗೆ ಕರೆಂಟ್ ನ ಚೆಲ್ಲಾಟ ನಡೆಯುತ್ತಿತ್ತು. ಇಷ್ಟರಲ್ಲೇ ಮತ್ತೊಬ್ಬ TCS'er ನ ಆಗಮನ. ಶ್ರೀನಿವಾಸ ಕೂಡ ತನ್ನ ವೀಸಾ ಸಂದರ್ಶನಕ್ಕೆ ಬಂದಿದ್ದ. ಕತ್ತಲಲ್ಲೇ ಊಟ ಮಾಡಿದ. ಇಷ್ಟರಲ್ಲೇ ನನಗೆ ತಲೆ ನೋವು ಪ್ರಾರಂಭ ಆಯಿತು. ನಿದ್ರೇನೆ ಬರಲಿಲ್ಲ. ಹಾಗು ಹೀಗೂ ಉರುಳಾಡಿ ದಿನ ಕಳೆದೆನು. ಶ್ರೀನಿವಾಸನು ಕೂಡ ಹೇಗೋ ಮಲಗಿದ್ದ.
ಬೆಳಗ್ಗೆ ೬ ಕ್ಕೆ ಎದ್ದೆವು. ಸಾಬೂನು ಮತ್ತು ಕೊಬ್ಬರಿ ಎಣ್ಣೆ ಕೊಳ್ಳಲು ಹೊರಗೆ ಹೋದೆವು. ಅದನ್ನು ಕೊಂಡು, ಅತಿಥಿ ಗೃಹ ಕ್ಕೆ ವಾಪಸ್ಸಾಗಿ ಒಬ್ಬರ ನಂತರ ಮತ್ತೊಬ್ಬರು ಸ್ನಾನ ಮಾಡಿದೆವು. ನಾನು ಸ್ವಲ್ಪ ಓದಿ ಕೊಂಡು, ಶ್ರೀನಿವಾಸನ ಜೊತೆ ಗೂಡಿ ಅತಿಥಿ ಗೃಹ ದಲ್ಲೇ ತಿಂಡಿ ತಿಂದೆವು. ತಿಂಡಿ ಮಾತ್ರ superb. ಆ ಹಣ್ಣಿನ ಮಿಶ್ರಣ, ದೋಸೆ, ಹಣ್ಣಿನ ರಸ ತುಂಬಾ ಚೆನ್ನಾಗಿತ್ತು. ಇಲ್ಲಿರುವ ದೇವರಿಗೆ ಕೈ ಮುಗಿದು, ಅಮೆರಿಕ ದ ವೀಸಾ ಕಚೇರಿ ಬಳಿ ಹೊರಡಲು, ಆಟೋ ಹುಡುಕಾಡಿ ಕೊಂಡು ಹೊರಟೆವು. ಮತ್ತೆ ಆಟೋ ರೇಟ್ 150 ರಿಂದ ಹಿಡಿದು, ಕೊನೆಗೆ 80 ರೂಗೆ ಒಪ್ಪಿ ನಡೆದೆವು. ಇಲ್ಲಿ ಕಚೇರಿಯ ಒಳಗೆ ನಮಗೆ 9 ಗಂಟೆಗೆ ನೇಮಕಾತಿ ಇದ್ದರೂ, Q ನಲ್ಲಿ ನಿಲ್ಲಬೇಕಾಯಿತು. ಅಷ್ಟು ಹೊತ್ತಿಗೆ ಸೂರ್ಯ ನೆತ್ತಿಯ ಮೇಲೆ ಬಂದು ನಮ್ಮನ್ನೇ ಇಣುಕುತ್ತಿದ್ದ. ಹಾಗೂ ಹೀಗೂ 9 ಗಂಟೆಗೆ ಕಚೇರಿಯ ಒಳಗೆ ಹೋದೆವು. ಇಲ್ಲಿ ಕೌಂಟರ್ 8 ನಲ್ಲಿ ಮೊದಲು ನಮ್ಮ ಡಾಕ್ಯುಮೆಂಟ್ಸ್ ನ್ನು ಪರಿಶೀಲಿಸಿ , ಎರಡೂ ಕೈಗಳ ಬೆರಳಳುಗಳ ಗುರುತುಗಳನ್ನು ತೆಗೆದುಕೊಂಡರು. ನಂತರ ಕೌಂಟರ್ 1-7 ರಲ್ಲಿ ನಮ್ಮ ಸಂದರ್ಶನ ಇತ್ತು. ಯಾವುದಾದರು ಕೌಂಟರ್ ನಲ್ಲಿ ನಾವು ಹೋಗಬಹುದಿತ್ತು. ನನ್ನ ಅದೃಷ್ಟ ಕೌಂಟರ್ 5 ಗೆ ಹೋದೆ. ಇಲ್ಲಿ ಅಮೆರಿಕದ ನಿವಾಸಿಯೊಬ್ಬ ನನ್ನ ಸಂದರ್ಶನ ಮಾಡಿದನು. ಅದು ಕೇವಲ ಒಂದೇ ನಿಮಿಷ ಹಿಡಿಯಿತು. ನಂತರ ಆಟ ಹೇಳಿದ ನನ್ನ ವೀಸಾ ಅನುಮೊದನೆಯಾಗಿದೆ ಹಾಗೂ ನನ್ನ ಪಾಸ್ಪೋರ್ಟ್ ಮತ್ತು ಹಣ ಸಂದಾಯದ ರಶೀತಿ ಯನ್ನು ಅವರೇ ಉಳಿಸಿ ಕೊಂಡರು. ನನ್ನ ಆನಂದಕ್ಕೆ ಆಗ ಪರಿಮಿತಿಯೇ ಇಲ್ಲ . ಫೋನ್ ಮಾಡಿ ಮನೆಯಲ್ಲಿ ಮತ್ತು ಸ್ನೇಹಿತರಿಗೆ ಹೇಳೋಣ ಅಂದರೆ ನನ್ನ ಸಂಚಾರಿ ದೂರವಾಣಿ ಅತಿಥಿ ಗೃಹದಲ್ಲೇ ಉಳಿದಿತ್ತು. ತಕ್ಷಣ ಆಟೋ ಹಿಡಿದು ಮನೆಗೆ ವಾಪಾಸ್ ಬಂದು ಎಲ್ಲರಿಗೂ ಫೋನ್ ಮಾಡಿ ಹೇಳಿದೆ. ನಾನಾನ ಮತ್ತೊಬ್ಬ ಸ್ನೇಹಿತ ಗಿರೀಶ್ ಅವರ ಸಂದರ್ಶನ ಕೂಡ ಮುಗಿದಿತ್ತು ಹಾಗೂ ಅವರಿಗೂ ವೀಸಾ ದೊರೆತಿತ್ತು. ನನ್ನ ಜೊತೆ ಇದ್ದ ಶ್ರೀನಿವಾಸನ ಕಥೆ ಏ ಬೇರೆಯಾಗಿತ್ತು. ಅವನ ವೀಸಾ ತಿರಸ್ಕರಿಸಲಾಗಿತ್ತು. ಏಕೋ ಏನೋ ಕಾರಣ ನಮಗೆ ತಿಳಿದಿರಲಿಲ್ಲ. ಅವನಿಗೆ ಇದರಿಂದ ಬೇಸರವಾಗಿತ್ತು.

ನನ್ನ ಅಮೆರಿಕ ಪಯಣ.........ಭಾಗ 1

ನಲ್ಮೆಯ ಗೆಳೆಯ ಗೆಳತಿಯರೆ,
ನಾನು ದಿನಾಂಕ 14 ನೆ ಬೆಳಿಗ್ಗೆ ನನ್ನ ಅಮೆರಿಕ ಪಯಣ ಆರಂಭಿಸಿದೆನು. ನಾನು ಹೋಗಬೇಕಾದ ಜಾಗ ಕೊಲಂ ಬಸ್ ಗೆ ನೇರ ವಿಮಾನ ಇಲ್ಲವಾದ ಕಾರಣದಿಂದ, ಎರಡು ಮೂರು ವಿಮಾನ ಬದಲಾಯಿಸಿ ಕೊಲಂ ಬಸ್ ಸೇರಿದೆನು.
ದಿನಾಂಕ 14 ರ ಬೆಳಿಗ್ಗೆ 2.30 ಕ್ಕೆ ಬೆಂಗಳೂರಿನ ನನ್ನ ಮನೆಯಾದ, ಹೊಸಕೆರೆಹಳ್ಳಿ ಬಿಟ್ಟು, ದೇವನಹಳ್ಳಿ ಅಂತರ ರಾಷ್ಟ್ರೀಯ ವಿಮಾನ ನಿಲ್ದಾಣ ವನ್ನು 3.30 ಕ್ಕೆ ಸೇರಿದೆನು. ಇಲ್ಲಿ ಸಮಯ ವಿಲ್ಲವಾದದ್ದರಿಂದ ನನ್ನನ್ನು ಬೀಳ್ಕೊಡುಗೆ ಮಾಡಲು ಬಂದಿದ್ದ ಅಮ್ಮ, ಅಪ್ಪ, ಅಣ್ಣ(ಶ್ರೀನಿವಾಸ್) , ಹಾಗೂ ನನ್ನ ಸ್ನೇಹಿತರಾದ ಶ್ರೀನಿವಾಸ್ ಮತ್ತು ಕಿರಣ್ ರನ್ನು ಹೊರಗೆ ಬಿಟ್ಟು, ವಿಮಾನ ನಿಲ್ದಾಣ ಪ್ರವೇಶಿಸಿದೆನು. ಇಲ್ಲಿ ನನ್ನ ಮೊದಲ ವಿಮಾನದ ಗಗನ ಸಕಿಯರನ್ನು ವಿಚಾರಣೆ ಮಾಡಿ, ನನ್ನ ಸಾಮಾನು ಸರಂಜಾಮು ಗಳನ್ನೂ ತಪಾಸಣೆ ಮಾಡಿಸಿ, ಸರಿಯಾದ ತೂಕ ವಾದ 20 ಕಿಲೋ ಗ್ರಾಂ ಇದೆ ಎಂದು ನಿಗದಿ ಪಡಿಸಿ, ನನ್ನ ಪೂರ್ತಿ ಪ್ರಯಾಣದ ನಿರ್ಗಮನ ಟಿಕೆಟ್ ಗಳನ್ನೂ ಪಡೆದೆನು. ಇದಕ್ಕೂ ಮುಂಚೆ, ಅಂತರ್ಜಾಲದಲ್ಲಿ ಇದೆ ಟಿಕೆಟ್ ಗಳನ್ನೂ, ನನ್ನ ಕಚೇರಿಯವರು ಕಾಯಿದಿರಿಸಿದ್ದರು. ಇಲ್ಲಿಂದ ನಾನು ಮುಂದೆ ಮೊದಲನೇ ಮಹಡಿಗೆ ತೆರಳಬೇಕಾದ್ದರಿಂದ, ನನ್ನವರಿಗೆ ಫೋನ್ ಕರೆ ಮಾಡಿ, ನಾನು ಹೊರಡುತ್ತಿದ್ದೇನೆ, ಹಾಗೂ ನೀವು ಇನ್ನು, ಮನೆಗೆ ತೆರಳಬಹುದು ಎಂದು ತಿಳಿಸಿದೆನು. ನನ್ನ ತಾಯಿಯ ಕಣ್ಣಿರನ್ನು ಕಾಣದೆ ಹೋದರು ಕೂಡ, ಒಂದು ತಾಯಿಗೆ ಕಂದನ ಅವಶ್ಯಕತೆ ಎಷ್ಟು, ಎಂದು ತಿಳಿದೆನು. ಇಲ್ಲಿಂದ ಮೊದಲನೇ ಮಹಡಿಗೆ ತೆರಳಿ, ಇಲ್ಲಿ ನನ್ನ ವಲಸೆ ಹೋಗುವಿಕೆ ಬಗ್ಗೆ, ಸಣ್ಣ ಸಂದರ್ಶನ ನಡೆಸಿದರು. ಈ ಸಂದರ್ಶನದಲ್ಲಿ ನನ್ನ ವೀಸಾ ಬಗ್ಗೆ ಪ್ರಶ್ನಿಸಿದರು. ನನ್ನ ಉತ್ತರಗಳೆಲ್ಲ ಸರಿ ಇದ್ದರಿಂದ ನನ್ನ ವಲಸೆ(IMMIGRATION CHECK) ಹೋಗುವಿಕೆ ಕಾರ್ಯ ಸಂಪೂರ್ಣ ಆಯಿತು. ಮುಂದೆ ವಿಮಾನ ಹತ್ತುವುದೇ ಉಳಿದಿತ್ತು. ಈಗಾಗಲೇ ಸಮಯ ೫ ಗಂಟೆ ಆಗಿತ್ತು. ೫.೩೦ ಕ್ಕೆ ನನ್ನವರ ಜೊತೆ ಮಾತನಾಡಿ, ೬ ಗಂಟೆಗೆ ವಿಮಾನ ಹತ್ತಿದೆನು. ಇದಕ್ಕೂ ಮುಂಚೆ ಪ್ರತಿಯೊಬ್ಬ ಪ್ರಯಾಣಿಕನನ್ನು ಗಗನ ಸಖ, ಸಖಿಯರು ತಪಾಸಣೆ ಮಾಡಿದರು. ನನ್ನ ಸೀಟ್ ನಂಬರ್ ನ್ನು ಹುಡುಕಿ ಕೊಂಡು ಹೋದೆನು. ನನ್ನ ಸೀಟ್ ನಂಬರ್ 20 B ಆಗಿತ್ತು, B ಅನ್ನುವುದು A & C ಮದ್ಯದಲ್ಲಿ ಬರುತ್ತದೆ ಎನ್ನುವುದು ನಿಮಗೆಲ್ಲ ತಿಳಿದಿರುವ ವಿಷಯವೇ. ಇದರಲ್ಲೇನು ಸ್ವಾರಸ್ಯ ಎಂದು ಕೇಳ್ತಿರಾ? A & C ನಲ್ಲಿ ಹುಡುಗಿಯರು ಕೂತಿದ್ರು, ನಾನು ಅವರ ಮದ್ಯದಲ್ಲಿ ಕೂರಬೇಕಾಗಿತ್ತು. ತಕ್ಷಣ ನನಗೆ ಇದೆ ತರಹದ ವೀಡಿಯೊ ನೋಡಿದ ಜ್ಞಾಪಕ ಆಯಿತು. ಆದರು ಏನ್ ಮಾಡೋದು ಕೂರಲೆಬೇಕಲ್ವ ಕೂತ್ಕೊಂಡೆ. ನಂತರ ನಮ್ಮ ಕೈ ಬ್ಯಾಗ್ ಗಳನ್ನೂ, ವಿಮಾನದ ಒಳಗೆ ಲಗ್ಗೇಜ್ ಜಾಗದಲ್ಲಿ ಇತ್ತು, ಕುಳಿತುಕೊಂಡೆವು. ಮೊದಲ ಹುಡುಗಿಯ ಪರಿಚಯ, ಜ್ಯೋತ್ಸ್ನಾ ಇವಳ ಹೆಸರು, ಸುಂದರಿಯು ಕೂಡ ಆದ್ರೆ ಏನೋ ನನ್ನ ಅದೃಷ್ಟ ನೆ ಸರಿ ಇಲ್ಲ ನೋಡಿ, ಅವಳಿಗೆ ಆಗಲೇ ಮದುವೆ ಆಗಿತ್ತು. ಇನ್ನೊಂದು ವಿಷಯ ಅಂದ್ರೆ ಇವಳು ಕೂಡ ಬ್ರಾಮ್ಹಿನ್. ಇನ್ನೊಬ್ಳು ಜಪಾನೀಸ್ , ಇವಳ ಬಗ್ಗೆ ಮಾತಾಡೋದೇ ಬೇಡ. ನನ್ನ ಬಾಷೆ ಇವಳಿಗೆ ಬರಲ್ಲ್ಲ. ಈಗ ಗಗನ ಸಖಿಯರಿಂದ ಒಂದು ಪ್ರಕಟಣೆ "ಎಲ್ಲರು ಸೀಟ್ ಬೆಲ್ಟ್ ಧರಿಸಿ ಎಂದು". ಎಲ್ಲರು ಧರಿಸಿದ ಮೇಲೆ, ವಿಮಾನ ಹಾರಾಟ ಪ್ರಾರಂಭ ಆಗ್ತಿದೆ.... ನನಗೆ ಮೊದಲ ವಿಮಾನ ಪ್ರಯಾಣ ವಾದ್ದರಿಂದ ಏನೋ ಒಂತರ ಆಗ್ತಿದೆ. ಕಣ್ಣು ಮುಚ್ಚಿ ಕುಳಿತೆ. ವಿಮಾನ ಹಾರಿತು. ಮತ್ತೆ ಗಗನ ಸಖಿಯರಿಂದ ಒಂದು ಪ್ರಕಟಣೆ "ಎಲ್ಲರು ಸೀಟ್ ಬೆಲ್ಟ್ ತೆಗೆಯಬಹುದು" . ಈಗ ಕಣ್ಣು ತೆರೆದು ನೋಡ್ತೇನೆ ಮೋಡಗಳನ್ನು ಭೇದಿಸಿ ಮುನ್ನುಗ್ಗುತ್ತಿದೆ ನಮ್ಮ ವಿಮಾನ. ಹೇಳೋದೇ ಮರೆತೇ, ಈ ವಿಮಾನ BRITISH AIRWAYS ಸಂಸ್ತೆ ಯದ್ದು. ಇದು ಬೆಂಗಳೂರಿನಿಂದ ಲಂಡನ್ ವರೆಗೆ, ಹೋಗುತ್ತೆ. ಇನ್ನೋದ್ ವಿಷ್ಯ ಗೊತ್ತ , ಎಲ್ಲ ವಿಮಾನಗಳು ನಾನ್ಸ್ಟಾಪ್, ಎಕ್ಷ್ಪ್ರೆಸ್ , ಹೇಗೆ ಬೇಕಾದರು ಕರೆಯಿರಿ. ಮತ್ತೆ ಜ್ಯೋತ್ಸ್ನಳ ಜೊತೆ ಮಾತು ಕಥೆ ಮುಂದುವರೆಯುತ್ತದೆ............................