ನನ್ನ ಮೊದಲ ಅಮೆರಿಕ ಪ್ರವಾಸ - ನಯಾಗರ ಜಲಪಾತ ಮತ್ತು ಪಿಟ್ಟ್ಸ್ ಬರ್ಗ್-1

ಮಿತ್ರರೇ,
ಅಮೆರಿಕ ಎಂದ ಕೂಡಲೆ ನೆನಪಾಗುವುದು ನ್ಯೂ ಯಾರ್ಕ್ ನಗರ. ಹಾಗೇನೆ ಇದು ಅಮೆರಿಕ ದ ಮುಖ್ಯ ಪ್ರವಾಸಿ ತಾಣ ಕೂಡ. ಇದನ್ನು ಅಮೆರಿಕಕ್ಕೆ ಬಂದ ಪ್ರತಿಯೊಬ್ಬರೂ ನೋಡಲೇ ಬಯಸುತ್ತಾರೆ. ಅದುವೇ ನಯಾಗರ ಜಲಪಾತ. ಇಲ್ಲಿಗೆ ನಾನು ಮತ್ತು ನನ್ನ ಸ್ನೇಹಿತರು, ನಮ್ಮ ಅಮೆರಿಕಾದ ಮೊದಲ ಪ್ರವಾಸ ಮಾಡಿದೆವು. ನಿಮಗೆ ತಿಳಿದಿದೆಯೋ ಇಲ್ಲವೋ, ನಯಾಗರ ಜಲಪಾತ ಎರಡು ದೇಶಗಳಲ್ಲಿ ಹರಡಿಕೊಂಡಿದೆ. ಅದೇ ಅಮೆರಿಕ ಮತ್ತು ಕೆನಡಾ ದೇಶಗಳು. ಜಲಪಾತದ ಒಂದು ಭಾಗದಲ್ಲಿ ಅಮೆರಿಕ, ಮತ್ತೊಂದು ಭಾಗದಲ್ಲಿ ಕೆನಡಾ. ಇವೆರಡರ ಮದ್ಯೆ ನಯಾಗರ ನದಿ ಇದೆ. ಇನ್ನೊಂದು ತರಹ ಹೇಳಬೇಕೆಂದರೆ ಅಮೆರಿಕಾದ ಈರೀ ಸರೋವರ ಮತ್ತು ಕೆನಡಾ ದ ಒಂಟಾರಿಯೋ ಸರೋವಗಳ ಮದ್ಯೆ ಇರುವ ಸಣ್ಣ ನಯಾಗರ ನದಿ, ಒಂದು ಜಲಪಾತವನ್ನು ಸೃಷ್ಟಿಸಿರುವುದೇ ಸೋಜಿಗ.ನಯಾಗರ ನದಿಯ ಪಶ್ಚಿಮ ಭಾಗದಲ್ಲಿ ಕೆನಡ ಇದ್ದರೆ, ಪೂರ್ವದಲ್ಲಿ ಅಮೆರಿಕ ಇದೆ. ನಯಾಗರ ಊರಿನ ಕೇಂದ್ರ ಬಿಂದು ಎಂದರೆ ನಯಾಗರ ಜಲಪಾತ. ನಮ್ಮ ಜೋಗ್ ಜಲಪಾತದ ರಾಜ, ರಾಣಿ, ರೋರೆರ್, ರಾಕೆಟ್ ತರ ನಯಾಗರ ಜಲಪಾತ ಕೂಡ ಮೂರು ಜಲಪಾತಗಳನ್ನು ಒಳಗೊಂಡಿದೆ. ಅವೇ ಅಮೆರಿಕನ್ ಜಲಪಾತ(American), ಬ್ರೈಡಲ್(Bridal) ಜಲಪಾತ, ಮತ್ತು ಕೆನಡಿಯನ್ / ಕುದುರೆ ಬೂಟಿನ ಜಲಪಾತ (Horse Shoe). ಇದರಲ್ಲಿ ಮುಖ್ಯವಾದದ್ದು ಕೆನಡಿಯನ್ ಜಲಪಾತ. ನಯಾಗರ ಜಲಪಾತದ ೯೦% ನೀರು ಇದರಲ್ಲೇ ಹರಿಯುತ್ತದೆ. ಇದನ್ನು ಪೂರ್ತಿಯಾಗಿ ಅಮೆರಿಕಾದ ಭಾಗದಿಂದ ನೋಡಲು ಆಗುವುದಿಲ್ಲ. ಇನ್ನು ಉಳಿದ ೧೦% ಅಮೆರಿಕನ್ ಜಲಪಾತದಲ್ಲಿ. ನಯಾಗರ ಜಲಪಾತ ದ ಎತ್ತರ ನಮ್ಮ ಜೋಗ್ ಜಲಪಾತ ಕ್ಕಿಂತ ಕಡಿಮೇನೆ. ಸುಮಾರು ೨೦೦ ಅಡಿ ಇರಬಹುದು ಅಷ್ಟೇ. ಮತ್ತೆ ಇದು ಏಕೆ ಇಷ್ಟೊಂದು ಪ್ರಸಿದ್ದಿ ಅಂತ ಕೇಳ್ತೀರಾ? ಇದರ ಅಗಲ ಇದೆ ನೋಡಿ, ಅಪಾರ ಗಾಂಭೀರ್ಯ ತಂದು ಕೊಡುತ್ತದೆ.
ಇನ್ನು ಇಲ್ಲಿಗೆ ಹೋಗುವ ಮುಂಚೆ ಪಿಟ್ಟ್ಸ್ ಬರ್ಗ್ (Pittsburgh) ನ ವೆಂಕಟೇಶ್ವರ ನ ದರ್ಶನ ಕೂಡ ಮಾಡಿ ಹೋಗೋಣ ಅನಿಸಿತ್ತು. ಅದಕ್ಕೆ ನಮ್ಮ ಪ್ರವಾಸದಲ್ಲಿ ಇದನ್ನು ಸೇರಿಸಿಕೊಂಡೆವು. ವೆಂಕಟೇಶ್ವರ ಎಷ್ಟು ಪ್ರಸಿದ್ದ ಅಂತ ಎಲ್ಲರಿಗೂ ಗೊತ್ತೇ ಇದೆ. ಅದೇ ತಿರುಪತಿಯ ಏಳು ಬೆಟ್ಟಗಳ ಮೇಲೆ ಆಸೀನನಾಗಿರುವ ವೆಂಕಟೇಶ್ವರ/ ಬಾಲಾಜಿ/ ಶ್ರೀನಿವಾಸ/ ಗೋವಿಂದಾ, ಬರೀ ರೂಪಾಯಿ ಲೆಕ್ಕ ಮಾಡಿಸುತ್ತಾನೆ/ಎಣಿಸುತ್ತಾನೆ. ಪಿಟ್ಟ್ಸ್ ಬರ್ಗ್ (Pittsburgh) ನ ವೆಂಕಟೇಶ್ವರ ಡಾಲರ್ ನ ಲೆಕ್ಕ ಮಾಡಿಸುತ್ತಾನೆ/ಎಣಿಸುತ್ತಾನೆ. ಇಲ್ಲಿ ಕೂಡ ವೆಂಕಟೇಶ್ವರ, ಪೆನ್ನಿ ಬೆಟ್ಟದ(Pennysylvania Hills) ಮೇಲೆ ಆಸೀನನಾಗಿದ್ದಾನೆ. ಅಮೆರಿಕಾದ ಮೊಟ್ಟಮೊದಲ ಭಾರತೀಯ ದೇವಸ್ತಾನ ಅಂದರೆ ಇದೇನೇ. 1976 ರಲ್ಲಿ ನಿರ್ಮಾಣಗೊಂಡ ದೇವಸ್ತಾನ ಅಮೆರಿಕಾದ ಹಿಂದೂ ಭಕ್ತರನ್ನು ಕಾಪಾಡುತ್ತಿದ್ದಾನೆ. ಇಂತಹ ಅಮೂಲ್ಯ ಸ್ಥಳಗಳಿಗೆ ನಮ್ಮ ಪ್ರವಾಸ ಕೈ ಗೊಂಡೆವು. ಮೊದಲು ನಿಶ್ಚಯಿಸಿದಂತೆ ಶನಿವಾರ ಹೊತ್ತಿಗೆ ಮುಂಚೆ ಹೊರಟು, ಭಾನುವಾರ ಸಂಜೆ/ ರಾತ್ರಿ ವಾಪಾಸಾಗುವುದು ಎಂದಿತ್ತು. ಆದರೇ ಹೊರಟಿದ್ದು ಮಾತ್ರ ಶನಿವಾರ ಬೆಳಗ್ಗೆ ೭ ಗಂಟೆ ೩೦ ನಿಮಿಷಕ್ಕೆ. ಇದಕ್ಕೂ ಮುಂಚೆನೇ ಗಿರೀಶ್ ಮತ್ತು ಪ್ರಶಾಂತ ಅವರು ಶುಕ್ರ ವಾರ ಸಂಜೆನೇ ಕಾರನ್ನು ಬಾಡಿಗೆಗೆ ಪಡೆದು ತಂದಿದ್ದರು. ಇಲ್ಲೇ ನಮಗೆ ಅದೃಷ್ಟ ಒಲಿದಿತ್ತು. ಅದೆಂದರೆ, ನಾವು ಕಾಯ್ದಿರಿಸಿದ್ದ Compact ಕಾರಿನ ಬದಲು, ನಮಗೆ Standard ಕಾರು ದೊರೆತಿತ್ತು. ಟೊಯೋಟ ಸಂಸ್ತೆಯ ಕ್ಯಾಮ್ರಿ (Toyota Camry) ಕಾರು ಬಹಳ ವಿಶಾಲವಾಗಿತ್ತು. ಇದರಲ್ಲಿ ನಾವು ನಾಲ್ಕೂ ಜನ (ರವಿ, ಪ್ರಶಾಂತ , ಗಿರೀಶ್, & ಗಿರೀಶ್ ರವರ ಪತ್ನಿ ) ಆರಾಮಾಗಿ ಕುಳಿತುಕೊಳ್ಳ ಬಹುದಾಗಿತ್ತು. ಕಾರಿನ ಬಣ್ಣ ಕಪ್ಪು. ಇಲ್ಲಿಂದ ನಾವು ಗ್ಯಾಸ್ ತುಂಬಿಸಿ I 71 S ರ ಮೂಲಕ ಪಿಟ್ಟ್ಸ್ ಬರ್ಗ್ ಗೆ ನಮ್ಮ ಪ್ರಯಾಣ ಪ್ರಾರಂಭಿಸಿದೆವು. ಕೊಲಂಬಸ್ ನಿಂದ ಪಿಟ್ಟ್ಸ್ ಬರ್ಗ್ ನ ದೂರ ಸರಿ ಸುಮಾರು ೨೦೦ ಮೈಲುಗಳು. ಒಂದು ಅಂದಾಜಿನ ಪ್ರಕಾರ ೩ ರಿಂದ ೩.೩೦ ಗಂಟೆ ಪ್ರಯಾಣ. ಸಮಯ ೯ ತಲುಪಿದಾಗ ನಾವು ಓಹಿಯೋ(Ohio,(OH)) ರಾಜ್ಯ ಬಿಟ್ಟು ಪೆನ್ನಿ ಸಿಲ್ ವೇನಿಯಾ (Pennsylvania,(PA)) ರಾಜ್ಯ ಪ್ರವೇಶಿಸಿದೆವು. ಇಲ್ಲಿನ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ವಿಶ್ರಮಿಸಿಕೊಳ್ಳುವ ಜಾಗಗಳು(Rest Area) ಇರುತ್ತವೆ. ಇಲ್ಲಿ, ನಿಮಗೆ ಆಯಾ ರಾಜ್ಯದ ಪ್ರವಾಸದ ಮಾಹಿತಿ ಸಿಗುತ್ತದೆ. ಹಾಗು, ಕುಡಿಯಲು ತಂಪಾದ ಪಾನೀಯ ಕೂಡ ಸಿಗುತ್ತದೆ. ನಾವು ೯.೧೫ ಕ್ಕೆ PA ದಣಿವು ಆರಿಸಿಕೊಳ್ಳುವುದಕ್ಕೆ ವಿಶ್ರಮಿಸಿದೆವು. ಇಲ್ಲಿಂದಲೇ ನಮ್ಮ ಮೊದಲ ಛಾಯಾ ಚಿತ್ರದ ಕಲಾಪ ಶುರುವಾಯಿತು. ಇಲ್ಲೇ ನಮ್ಮ ಕಾರಿನ ಚಾಲಕರು ಕೂಡ ಬದಲಾದರು. ಇದಕ್ಕೂ ಮುಂಚೆ ತಿಳಿಸಿದ ಹಾಗೆ ಗಿರೀಶ್ ರವರು, ಚಾಲನೆ ಮಾಡುತ್ತಿದ್ದರು. ಈಗ ಪ್ರಶಾಂತ್ ರವರ ಸರದಿ. ಇವರಿಗೆ ಭಾರತದಲ್ಲಿ ವಾಹನ ಚಾಲನೆ ಮಾಡಿ ಅನುಭವ ಇದೆ. ಹಾಗು ಅಮೆರಿಕ ದಲ್ಲಿ ಒಂದು ಅವಕಾಶಕ್ಕೆ ಕಾಯುತ್ತಿದ್ದರು. ಈಗ ಆ ಸಕಾಲ ಕೂಡಿ ಬಂದಿತ್ತು. ಗಿರೀಶ್ ರವರ ಮಾರ್ಗ ದರ್ಶನದಲ್ಲಿ, ಇವರು ಕೂಡ ಸ್ವಲ್ಪ ಸಮಯದಲ್ಲೇ ಅಮೆರಿಕಾದ ಕಾರು ಚಾಲನೆಗೆ ಮುನ್ನುಡಿ ಬರೆದರು. ೯.೩೦ ಕ್ಕೆ ಇಲ್ಲಿಂದ ಹೋರಾಟ ನಾವು, I 70 E ರ ಮುಖಾಂತರ ನಮ್ಮ ಪ್ರಯಾಣ ಮುಂದು ವರೆಸಿದೆವು. ರಾಷ್ಟ್ರೀಯ ಹೆದ್ದಾರಿ ಬಗ್ಗೆ ಹೆಚ್ಚಿಗೆ ಹೇಳಬೇಕಾಗಿಲ್ಲ. ಇದರ ಬಗ್ಗೆ ಹಿಂದೇನೆ ಹೇಳಿದ್ದೇನೆ. ಆದರೇ ನಿಗದಿ ಪಡಿಸಿದ ವೇಗ ೬೫ mph,ಅನ್ನು ಅನುಸರಿಸೋದೆ ಸ್ವಲ್ಪ ಕಷ್ಟ ಅನಿಸುತ್ತದೆ. ಭಾರತದಲ್ಲಿ ಈ ತರಹ ಯಾವುದೇ ವೇಗ ನಿಗದಿ ಪಡಿಸಿಲ್ಲ. ನೀವು ನಿದಾನಕ್ಕೆ/ಜೋರಾಗಿ ಹೋಗಿ ಯಾರೂ ನಿಮ್ಮನ್ನು ಕೇಳುವುದಿಲ್ಲ. ಆದರೇ. ಅಮೇರಿಕಾದಲ್ಲಿ ಕಾಪ್ಸ್ (Police) ನಿಮ್ಮನ್ನು ಹುಡುಕಿ ಕೊಂಡು ಬರುತ್ತಾರೆ. ಅವರು ನಿಮಗೆ ಟಿಕೆಟ್ (Not Confuse with Bus/Train/Flight ) ಕೊಡುತ್ತಾರೆ. ಇದು ನಿಮ್ಮ ವಾಹನ ಪರವಾನಗಿ ಮೇಲೆ ಪ್ರಭಾವ ಬೀರುತ್ತದೆ. ಮಾರ್ಗ ಮದ್ಯೆ ಕಾರು ಪಂಚರ್ ಆಗಿದೆ ಎಂದು ಅನಿಸಿತು. ಅದಕ್ಕೆ ರಸ್ತೆಯಲ್ಲೇ ತುರ್ತು ಪರಿಸ್ತಿತಿ ಲೇನ್ ನಲ್ಲಿ ನಿಲ್ಲಿಸಿದೆವು. ನೋಡಿದರೆ ಏನು ಆಗಿಲ್ಲ. ರಸ್ತೆ ಲೋಹದಿಂದ ಮಾಡಿದ್ದರಿಂದ ನಮಗೆ ಆ ತರಹ ಭಾಸವಾಗಿರಬೇಕು ಅನಿಸಿ, ಚಾಲಕನ ಬದಲಾವಣೆ ಮಾಡಿ, ಪ್ರಯಾಣ ಮುಂದುವರೆಸಿದೆವು. ಸುಮಾರು ೧೧ ಗಂಟೆಗೆ ಪಿಟ್ಟ್ಸ್ ಬರ್ಗ್ ನಗರ ಪ್ರವೇಶಿಸಿ, ೧೧.೩೦ ಕ್ಕೆ ದೇವಾಲಯ ದ ಬಳಿ ಸೇರಿದೆವು. ಕೈ ಕಾಲು ಮುಖ ತೊಳೆದು A.C. ನಲ್ಲಿ ಆಸಿನನಾಗಿರುವ ಡಾಲರ್ ವೆಂಕಟೇಶ್ವರನ ದರ್ಶನ ಮಾಡಿದೆವು. ಇದು ಹಿಂದೂ ದೇವಾಲಯವಾದ್ದರಿಂದ ಬರೇ ನಮ್ಮ ಭಾರತದವರನ್ನು ಸುತ್ತಲೂ ಕಾಣುತ್ತಿದ್ದೆವು.ಹೊಟ್ಟೆ ಬಾರಿ ಹಸಿದಿತ್ತು. ದೇವಾಲಯದಲ್ಲೇ ಪ್ರಸಾದದ ತರಹ ಊಟದ ವ್ಯವಸ್ತೆ ಇತ್ತು. ಉಚಿತವಾಗಿ ಅಲ್ಲ ಸ್ವಾಮೀ, ೨ ಡಾಲರ್ ಒಂದು Bowl/Plate ಗೆ. ಬಹಳ ತರಹದ ಆಹಾರ ಪದಾರ್ಥಗಳು ಇಲ್ಲಿ ಇತ್ತು. ನಾವು, ಎಲ್ಲವನ್ನು ಒಂದೊಂದು Bowl/Plate ತೆಗೆದುಕೊಂಡೆವು. ಸಾಂಬಾರ್ ರೈಸ್, ಪುಳಿಯೋಗರೆ, ಮೊಸರನ್ನ, ಪೊಂಗಲ್ ಎಲ್ಲ ಚೆನ್ನಾಗಿತ್ತು. ಇಲ್ಲಿನ ಒಂದೇ ವಿಚಾರ ನನಗೆ ಸರಿ ಅನಿಸದಿದ್ದ್ದು ಅಂದರೆ, ಅಮೆರಿಕ ದೇಶದ ಪ್ರಜೆ ಒಬ್ಬ ಸ್ವಚ್ಛ ಮಾಡುತ್ತಿದ್ದುದು, ಈತನನ್ನು ದೇವಾಲಯದವರು ಆಳಾಗಿ ನೋಡುತ್ತಿದುದು ಕೂಡ(I Mean Cleaner in Temple Restaurant). ಊಟ ಮುಗಿದ ನಂತರ ದೇವಸ್ತಾನದ ಬಳಿ ಕೆಲವು ಛಾಯಾ ಚಿತ್ರಗಳನ್ನು ತೆಗೆದು ಕೊಂಡು ಸಮಯ ೧.೧೫ ಆದಾಗ, ನಮ್ಮ ಮುಂದಿನ ಸ್ತಳ ಆತ್ಮಹತ್ಯೆಯ ಮೊನಚಾದ ತುದಿಗೆ(Suicide Point) ಮುಂದುವರೆಸಿದೆವು. ಇಲ್ಲಿಗೆ ಸೇರಲು ನಾವು ಹಲವಾರು ಸುರಂಗಗಳನ್ನು ಮತ್ತು ಸಂಪರ್ಕ ಸೇತುವೆಗಳನ್ನು ಉಪಯೋಗಿಸಿದೆವು. ಈ ಸ್ಥಳ ದಿಂದ ಪಿಟ್ಟ್ಸ್ ಬರ್ಗ್ ನ ಡೌನ್ ಟೌನ್ , ತುಂಬಾ ಚೆನ್ನಾಗಿ ಕಾಣುತ್ತದೆ. ಪಿಟ್ಟ್ಸ್ ಬರ್ಗ್ ನಗರ ವನ್ನು, ಬೆಟ್ಟಗಳನ್ನು ಕೊರೆದು ಮಾಡಿದ್ದಾರೆ. ಎರಡು ಬೆಟ್ಟಗಳ ಮದ್ಯೆ ನೀರಿದೆ ನೋಡಿ, ಅದೇ ಕಷ್ಟ. ಸೇತುವೆ ಗಳ್ಳನ್ನು ಉಪಯೋಗಿಸಿ, ಎರಡು ಬೆಟ್ಟಗಳ ಸಂಪರ್ಕ ಮಾಡಿದ್ದಾರೆ. ಈ ಸ್ಥಳದಿಂದ, ಅಕಸ್ಮಾತಾಗಿ ಕೆಳಗೆ ಬಿದ್ದರೆ, ಶಿವನ ಪಾದ ಸೇರುವುದು ಖಚಿತಾನೆ . ಅದಕ್ಕೆ ಈ ಹೆಸರು. ಇಲ್ಲಿಯೂ ಕೂಡ ಛಾಯಾ ಚಿತ್ರ ಗಳನ್ನು ತೆಗೆದು ಕೊಂಡು, ಮುಂದೆ ನಮ್ಮ ಪ್ರಯಾಣವನ್ನು ನಯಾಗರ ನಗರದ ಕಡೆ ಬೆಳೆಸಿದೆವು. ಅಮೇರಿಕಾದಲ್ಲಿ U ತಿರುವು ಇಲ್ಲಾ. ಅದೇ ಕಷ್ಟ ಆಗಿದ್ದು ನೋಡಿ. ನಾವು ಹೋಗುವ ರಸ್ತೆ ಒಂದು ಕಡೆ ತಪ್ಪಾಯಿತು. ಅದಕ್ಕೆ ಪ್ರತಿ ಫಲ ವಾಗಿ , ಪೂರ್ತಿ ಪಿಟ್ಟ್ಸ್ ಬರ್ಗ್ ನ ಡೌನ್ ಟೌನ್ ನ ದರ್ಶನ ಮಾಡಿದೆವು. ಇಲ್ಲೇ ನಮ್ಮ ಪ್ರಯಾಣದ ಅರ್ಧ ಗಂಟೆ ವ್ಯರ್ಥವಾಯಿತು. ಹಾಗು ಹೀಗೂ ೩ ಗಂಟೆಗೆ ಪಿಟ್ಟ್ಸ್ ಬರ್ಗ್ ನಗರ ಬಿಟ್ಟು I 279 N ಪ್ರವೇಶಿಸಿ ನಯಾಗರಾ ನಗರ ದ ಕಡೆ ಹೊರಟೆವು.

ನನ್ನ ಅಮೆರಿಕ ಜೀವನ -- ಭಾಗ 7 --ಆಹಾರ ಹೇಗೆ ಏನು ?

ಅಮೇರಿಕಾದಲ್ಲಿ ನೀವು ಪ್ರಪಂಚದ ಎಲ್ಲಾ ತರಹದ ಜನರನ್ನು ಕಾಣಬಹುದು. ಹಾಗಾಗಿ ಜಗತ್ತಿನ ಎಲ್ಲ ಆಹಾರ ಪದಾರ್ಥಗಳು ಇಲ್ಲಿ ಸಿಗುತ್ತವೆ. ಇಲ್ಲಿನ ಜನರು ಹೆಚ್ಚಾಗಿ ಪ್ಯಾಕ್ಡ್ ಅಥವಾ ರೆಡಿ ಮೇಡ್ ಆಹಾರವನ್ನು ಉಪಯೋಗಿಸುತ್ತಾರೆ. ರೆಡಿ ಮೇಡ್ ಆಹಾರವನ್ನು ಕೊಂಡು ಶೀತಲ ಯಂತ್ರದಲ್ಲಿ ಇಡುತ್ತಾರೆ. ಅದನ್ನು ಉಪಯೋಗಿಸಬೇಕಾದಾಗ, ಮೈಕ್ರೋ ಓವೆನ್ ನಲ್ಲಿ ಇಟ್ಟು ಬಿಸಿ ಮಾಡುತ್ತಾರೆ. ಇನ್ನು ಇಲ್ಲಿ ಹೆಚ್ಚು ಉಪಯೋಗಿಸೋ ಪದಾರ್ಥ ಅಂದರೆ ಮೊದಲು ಬ್ರೆಡ್, ಎರಡನೇದು ಜೋಳ. ಎಲ್ಲಾತರಹದ ಮಾಂಸವನ್ನು ಇದರ ಜೊತೆಗೆ ತಿನ್ನುತ್ತಾರೆ. ಇಲ್ಲಿ ತಿಂಡಿ ಅಂದ್ರು ಸ್ಯಾಂಡ್ ವಿಚ್ , ಊಟ ಅಂದ್ರು ಸ್ಯಾಂಡ್ ವಿಚ್. ಇದನ್ನು ಬಿಟ್ರೆ ಪಿಜ್ಜಾ ಇದೆ ನೋಡಿ. ಕೆಲವರು ತಿಂಡಿಗೆ ಅದೇ ಕೆಲ್ಲಾಗ್ಸ್ ಫ್ಲೆಕ್ಸ್(Kellogs Flakes) ತಿನ್ನುತ್ತಾರೆ. ಇದನ್ನು ಬಿಸಿ ಅಥವಾ ತಣ್ಣನೆಯ ಹಾಲಿನ ಜೊತೆ ಮಿಶ್ರಣ ಮಾಡಿ ತಿನುತ್ತಾರೆ. ಇನ್ನು ಕಾಫಿನೆ ಇಲ್ಲಿ ಜಾಸ್ತಿ ಕುಡಿತಾರೆ. ಇವರಿಗೆ ಚಹಾ ಅಂತು ಗೊತ್ತೇ ಇಲ್ಲ. ಅದೂ ದೊಡ್ಡ ಲೋಟದಲ್ಲಿ. ನೋ ಬಯ್-ಟು ಕೂಡ. ಇನ್ನು ಅದಕ್ಕೆ ಹಾಲು ಹಾಕಲ್ಲ. ಅದಕ್ಕೆ ಅಂತಾನೆ ಕ್ರೀಮೆರ್ ಇದೆ ನೋಡಿ. ಅದೇ ನಮ್ಮ ಹಾಲಿನ ಕೆನೆ ನ ಹೀಗೆ ಕರೀತಾರೆ ಇಲ್ಲಿ. ಇದನ್ನೇ ಕಾಫಿ ಗೆ ಮಿಕ್ಸ್ ಮಾಡಿ ಕುಡೀತಾರೆ. ಇನ್ನು ಅದರ ಜೊತೆ ಬ್ರೆಡ್ ಬಿಸ್ಕತ್ ಕೇಳಲೇ ಬೇಡಿ. ಇಲ್ಲಿ ನಿಮಗೆ ನೂರಾರು ತರಹದ ಬ್ರೆಡ್ ಸಿಗುತ್ತೆ. ಇನ್ನು ಬಿಸ್ಕತ್ ಗೆ ಬಂದರೆ, ನಮ್ಮ ಗ್ಲೂಕೋಸ್ ಬಿಸ್ಕತ್ ಇಲ್ಲಿ ಸಿಗಲ್ಲ. ಇಲ್ಲಿ ಬರಿ ಕುಕ್ಕಿಸ್ (Cookies) ಸಿಗುತ್ತೆ ನೋಡಿ. ಅದೇ ನಮ್ಮ ಬಿಸ್ಕತ್ ಗೆ ಎಲ್ಲಾ ಹಣ್ಣು ಗಳು ಸೇರಿಸಿ ಮಾಡಿರುತ್ತಾರೆ. ಇಲ್ಲಿ ಹಣ್ಣಿನ ರಸವನ್ನು ಕೂಡ ಜಾಸ್ತಿ ಉಪಯೋಗಿಸುತ್ತಾರೆ. ಅದೂ Pure ಹಣ್ಣಿನ ರಸ. ನೀರು ಮತ್ತು ಸಕ್ಕರೆ ಯನ್ನು ಕೂಡ ಅದಕ್ಕೆ ಸೇರಿಸಿರೋಲ್ಲ. ಇನ್ನು ಊಟದ ವಿಷಯಕ್ಕೆ ಬಂದರೆ, ಅದೇ ಪಿಜ್ಜಾ, ಬರಿಟ್ತೋ, ಸ್ಯಾಂಡ್ ವಿಚ್ ತಿನ್ನುತ್ತಾರೆ. ಇದರ ಜೊತೆ ನೀರು ಕುಡಿಯೋಲ್ಲ ಅದೇ Pepsi, coca-cola ಕುಡಿತಾರೆ. ಇನ್ನು ಪಿಜ್ಜಾ, ಸ್ಯಾಂಡ್ ವಿಚ್ ನಲ್ಲಿ ಬರೀ ಮಾಂಸ ಇರುತ್ತೆ. ಅದೂ ಹಂದಿ, ಕೋಳಿ, ಎಮ್ಮೆ ದು. ಇದರಲ್ಲಿ ಎಮ್ಮೆದು ಮತ್ತು ಹಂದಿ ದು ಬಾರಿ ಫೇಮಸ್ . ಯಾವುದೇ ಹೋಟೆಲ್ ನೋಡಿ, ಅದರಲ್ಲಿ ಇದು ಇದ್ದೆ ಇರುತ್ತೆ. ಇನ್ನು ಊಟ ನು ಇದೆ ತರಾನೆ. ಆದ್ರೆ ರಾತ್ರಿ ಪಾನೀಯ ದ ಬದಲು ವೈನ್ ಕುಡಿತಾರೆ.
ಇಲ್ಲಿ ಆಹಾರ ಇಲ್ಲಿ ಸಿಗುತ್ತೆ ಅಂದರೆ, ಅದಕ್ಕೆ ಅಂತಾನೆ ವಾಲ್ ಮಾರ್ಟ್, ಕ್ರೋಗೆರ್ ಇದೆ. ಇಲ್ಲಿ ನೋ ಮಾರ್ಕೆಟ್, ಚಿಲ್ಲರೆ ಅಂಗಡಿ ಮುಂತಾದುವುಗಳು. ಏನೇ ಬೇಕು ಅಂದ್ರು Wal Mart ಅಥವಾ Kroger ಇದೆ. ಇದು ನಮ್ಮ ಬಿಗ್ ಬಜಾರ್ ನಂತಹುದ್ದು. ಏನೇ ಬೇಕಾದ್ರೂ ಸಿಗುತ್ತೆ. ಇಲ್ಲಿ ನೀವು ಒಂದೇ ತರಕಾರಿಯ/ ಹಣ್ಣಿನ ದಶವತಾರಗಳನ್ನು ನೋಡಬಹುದು. ಉದಾಹರಣೆಗೆ ಈರುಳ್ಳಿ ನೆ ತಗೊಳ್ಳಿ, ಸರಿ ಸುಮಾರು ಹತ್ತು ತರಹದ್ದು ಸಿಗುತ್ತೆ. ಸ್ಮಾಲ್ ಸೈಜ್, ಮೀಡಿಯಂ ಸೈಜ್, ಬಿಗ್ ಸೈಜ್(ಡೈನೋಸಾರ್ ಮೊಟ್ಟೆ ಗಾತ್ರದ್ದು)., ಬಿಳಿಯದು, ಕೆಂಪು, ಪಿಂಕ್, ಬೇಬಿ ಈರುಳ್ಳಿ ನೋಡಿ ಎಷ್ಟಿದೆ ಅಂಥಾ.ಹೀಗೆ ಟೊಮೇಟೊ ದಲ್ಲಿ ಕೂಡ ಬಹಳಷ್ಟು ವಿಧ ಇದೆ. ಎಲ್ಲಾ ತರಕಾರಿಗಳನ್ನು ಕೊಂಡು ಕೊಳ್ಳೋದು ವೇಸ್ಟ್. ಏಕೆಂದರೆ, ಎಲ್ಲದಕ್ಕೂ ಹಣ ಕೊದಬೇಕಲ್ವಾ. ಅದಕ್ಕೆ ಒಂದು ಹಣಕ್ಕೆ ಎಲ್ಲಾ ತರಕಾರಿ ಸಿಗೋ ಹಾಗಾದ್ರೆ? ಅದೇ ಪ್ಯಾಕ್ಡ್ ತರಕಾರಿ ಗಳು ಇದೆ ನೋಡಿ. ಎಲ್ಲಾ ತರಕಾರಿಗಳನ್ನು ಪ್ಯಾಕ್ ಮಾಡಿ ಶೀತಲ ಯಂತ್ರದಲ್ಲಿ ಇಟ್ಟಿರುತ್ತಾರೆ. ಅದನ್ನೇ ನಾವು ಕೊಂಡು ಅಡಿಗೆ ಮಾಡಿ ಸೇವಿಸಿದರೆ ಆಯಿತು. ಎಷ್ಟು ಸಮಯ ಉಳಿತಾಯ ಅಲ್ಲವೇ. ಎಲ್ಲಾ ಹಣ್ಣು ಗಳಲ್ಲಿ ನಿಮಗೆ ಬೀಜ ಇರುವ & ಇಲ್ಲದೆ ಇರುವ ಹಣ್ಣು ಗಳು ಸಿಗುತ್ತವೆ. ಉದಾಹರಣೆಗೆ. ಮೂಸಂಬಿ, ಕಿತ್ತಳೆ, ನಿಂಬೆ ಹಣ್ಣುಗಳು. ಭಾರತದಲ್ಲಿ ಬೆಳೆಯದ/ಸಿಗದ ಹತ್ತಾರು ತರಹದ ವಿಚಿತ್ರ ಹಣ್ಣುಗಳು ಇಲ್ಲಿ ಸಿಗುತ್ತವೆ. ಇನ್ನು ಪ್ಯಾಕ್ಡ್ ಅಡಿಗೆ ಕೂಡ ಸಿಗುತ್ತೆ. ಚಪಾತಿ, ಪರೋಟ, ಸಮೋಸ ಇವೆಲ್ಲ ರೆಡಿ ಮೇಡ್ ಇಲ್ಲಿ.
ಭಾರತದ ಅಡಿಗೆಗಳನ್ನು / ಅಡಿಗೆ ಪದಾರ್ಥಗಳಿಗೆ ಇಲ್ಲಿ ಬೇರೆ ಸ್ಟೋರ್ಗಳು ಇವೆ. ಅವೆಂದರೆ, ಬಾಂಬೆ ಬಜಾರ್, ಭವಾನಿ ಕ್ಯಾಶ್ ಅಂಡ್ ಕ್ಯಾರಿ, ಪಟೇಲ್ ಬ್ರದರ್ಸ್, ಅಪ್ನ ಬಜಾರ್, ಹೀಗೆ ಬಹಳಷ್ಟು ಇವೆ. ಇವರೆಲ್ಲ ನಮ್ಮ ಭಾರತ ದಿಂದ ಆಹಾರ ಪದಾರ್ಥಗಳನ್ನು ಆಮದು ಮಾಡಿ ಇಲ್ಲಿ ಮಾರುತ್ತಾರೆ. ಅದಕ್ಕೆ ಇವುಗಳ ಬೆಲೆ ಬಲು ದುಬಾರಿ. ನಮ್ಮ ಕರಿ ಬೇವು, ಕೊತ್ತಂಬರಿ ಅಂತು ಕೇಳಲೇ ಬೇಡಿ.ಕೇವಲ ಒಂದು ಡಾಲರ್ ಗೆ ಒಂದು ಕಟ್ಟು. ಅದಕ್ಕೆ ಇಲ್ಲಿಗೆ ಬರುವ ಮೊದಲೇ ಭಾರತೀಯರು ಎಲ್ಲಾ ಅಲ್ಲಿಂದ ತೆಗೆದುಕೊಂಡು ಬರುತ್ತಾರೆ. ಅಮೇರಿಕಾದಲ್ಲಿ ದಿನನಿತ್ಯದ ವಸ್ತುಗಳ ಉತ್ಫಾದನೆ ಕಡಿಮೆ. ಆದರೆ ಜಗತ್ತಿನ ಎಲ್ಲಾ ದೇಶಗಳಿ೦ದ (ಭಾರತವೂ ಸೇರಿ) ಉತ್ತಮ ವಸ್ತುಗಳನ್ನು ಆಮದು ಮಾಡಿಕೊಳ್ಳುತ್ತಾರೆ.ಇದರಲ್ಲಿ ಸಿ೦ಹ ಪಾಲು ಚೀನಾ ದೇಶದ್ದು. ಗೊ೦ಬೆಗಳು ನೂರಕ್ಕೆ ನೂರು ಭಾಗ ಚೀನಾದ್ದು. ಬಟ್ಟೆ ಗಳಲ್ಲಿ ’ಮೇಡ್ ಇನ್ ಇ೦ಡಿಯ’ ನೋಡಿ ನಾವು ಖುಷಿ ಪಡಬಹುದು. ಮೇಡ್ ಇನ್ ಬಾಂಗ್ಲಾದೇಶ್, ಪಾಕಿಸ್ತಾನ್ ಕೂಡ ನೀವು ಇಲ್ಲಿ ನೋಡಬಹುದು.
ಇನ್ನು ಅಮೆರಿಕಾದ ಹೋಟೆಲ್ ಗಳ ಬಗ್ಗೆ ಹೇಳಬೇಕಂದ್ರೆ, ಅದೇ McDonalds, Pizzahut, KFC, Taco Bell, Hooters, Sub Way, Chipotle ಹೀಗೆ ಕೆಲವು ಆಗಲೇ ಭಾರತದಲ್ಲಿ ಬಂದು ಬಿಟ್ಟಿವೆ.

ನನ್ನ ಅಮೇರಿಕಾ ಜೀವನ.........ಭಾಗ 6 ( ರಸ್ತೆ, ವಾಹನ ಗಳಿಗೆ ಸಂಬಂಧಿಸಿದ್ಧು)

ಇಲ್ಲಿನ ಸರ್ಕಾರದ ಮುಖ್ಯ ಗುರಿ ಅಂದರೆ ಸುಖಖರ ಪ್ರಯಾಣ. ನೀವು ಯಾವುದೇ ತರಹದ ಪ್ರಯಾಣ ಮಾಡಿ, ಕೊನೆಗೆ ಸುಖವಾಗಿ ಮನೆ ಸೇರುತ್ತಿರ. ನೀವು ವಿಶ್ವದ ಅತ್ಯುತ್ತಮ ಹೆದ್ದಾರಿಗಳನ್ನು ನೋಡಿಲ್ಲವೇ ? ಹಾಗಿದ್ದರೆ ಅಮೆರಿಕ ಕ್ಕೆ ಬರಲು ಅದು ಒಂದು ಕಾರಣ ಇರಬಹುದು. ಇಲ್ಲಿನ ರಸ್ತೆಗಳನ್ನು ನೋಡಲು, ಪ್ರಯಾಣ ಮಾಡಲು ನೀವು ಅದೃಷ್ಟ ಮಾಡಿರಬೇಕು. ಆಕಾಶದ ಎತ್ತರಕ್ಕೆ ಬೆಳೆದು ನಿಂತ ಮೇಲ್ಸೇತುವೆಗಳು, ಬರಿ ಅಮೆರಿಕ ದಲ್ಲೇ ಕಾಣಲು ಸಾಧ್ಯ. ಕೆಲವೊಮ್ಮೆ ಇದೆ ಮೇಲ್ಸೇತುವೆಗಳ ಮೇಲೆ ಪ್ರಯಾಣ ಮಾಡುವಾಗ ಕೆಳಗೆ ನೋಡಿದರೆ ಮೈ ಜುಮ್ ಎನಿಸುತ್ತದೆ. ಇಲ್ಲಿನ ರಸ್ತೆಗಳನ್ನು ಟಾರ್ ಅಥವಾ ಸಿಮೆಂಟ್ ಕಾಂಕ್ರೀಟ್ ಉಪಯೋಗಿಸಿ ನಿರ್ಮಿಸಿರುತ್ತಾರೆ. ಇಲ್ಲಿಯೂ ಕೂಡ ಕಾ೦ಟ್ರ್ಯಾಕ್ಟರು ಗಳೇ ಟೆಂಡರ್ ಪದ್ದತಿಯ ಮೂಲಕವೇ ರಸ್ತೆ ನಿರ್ಮಿಸುತ್ತಾರೆ. ಆದರೇ, ಹಣ ತಿನ್ನುವುದು, ದೋಚುವುದು ಕಂಡು ಬರುವುದಿಲ್ಲ. ಮುಖ್ಯವಾಗಿ ನೀವು ಬೇಕಾದಷ್ಟುಮೇಲ್ಸೇತುವೆಗಳನ್ನು ಇಲ್ಲಿ ಕಾಣ ಬಹುದು. ಇಂದಿನ ವರೆಗೆ ನಾನು ಇಲ್ಲಿ ರಸ್ತೆ ರಿಪೇರಿ ಮಾಡಿದ್ದನ್ನು ಕಂಡೆ ಇಲ್ಲ. ಹಾಗೇನಾದರು ರಿಪೇರಿ ನಡೆಯುತ್ತಿದ್ದರೆ ನೀವು ಸೂಚನಾ ಫಲಕಗಳನ್ನು ನೋಡುತ್ತೀರಾ ಮತ್ತು ಪರ್ಯಾಯ ರಸ್ತೆಗಳ ಬಗ್ಗೆ ಕೂಡ ಅದರಲ್ಲಿ ಸೂಚಿಸಿರುತ್ತಾರೆ. ಪ್ರತಿಯೊಂದು ಸಣ್ಣ, ದೊಡ್ಡ ರಸ್ತೆಗಳಲ್ಲೂ ಟ್ರಾಕ್ ಅಥವಾ ಲೇನ್ ಗಳನ್ನೂ ನೀವು ಕಾಣಬಹುದು. ರಸ್ತೆಯ ಉದ್ದಕ್ಕೂ ನೀವು ಅದೇ ಲೇನ್ ನಲ್ಲಿ ವಾಹನ ಓಡಿಸಬೇಕು. ಪ್ರತಿಯೊಂದು ರಸ್ತೆಯು ಜೋಡಿ ರಸ್ತೆಯಾಗಿರುತ್ತದೆ. ಒಂದು ಬದಿ ನೀವು ಅತಿ ಕಡಿಮೆ ಎಂದರೆ ಮೂರು ಲೇನ್ ಗಳನ್ನೂ ಕಾಣಬಹುದು. ಒಂದು ನೇರವಾಗಿ ಹೋಗಲು, ಎರಡನೆಯದು ಬಲಕ್ಕೆ ತಿರುಗಲು, ಮೂರನೆಯದು ಎಡಕ್ಕೆ ತಿರುಗಲು ಆಗಿರುತ್ತದೆ. ಪ್ರತಿ ಲೇನ್ ಗಳು ೧೨ ರಿಂದ ೧೪ ಅಡಿ ಆಗಿರುತ್ತದೆ. ಇನ್ನೂ ಎಲ್ಲಾ ರಸ್ತೆಗಳ ಬದಿಯಲ್ಲೂ ಪಾದಚಾರಿ ಮಾರ್ಗವಿರುತ್ತದೆ. ಪಾದಚಾರಿ ಮಾರ್ಗ ಮತ್ತು ಮುಖ್ಯ ರಸ್ತೆಯ ಮದ್ಯೆ ಹುಲ್ಲಿನ ಹಾಸು ಇರುತ್ತದೆ. ಎಲ್ಲಿ ನೋಡಿದರು ನಿಮಗೆ ಇಲ್ಲಿ ಮಣ್ಣೇ ಕಾಣಿಸುವುದಿಲ್ಲ, ಹಾಗೆ ಹುಲ್ಲು ಹಾಸು ಹಾಕಿ ರಸ್ತೆ ಮಾಡಿರುತ್ತಾರೆ. ನಿಮಗೆ ಎಲ್ಲೂ ಮಣ್ಣಿನ ನೆಲ ಗೋಚರಿಸುವುದೇ ಇಲ್ಲ. ಇನ್ನೂ ಹೊಂಡ, ಧೂಳು ಎಲ್ಲಿಂದ ಬರಬೇಕು ಹೇಳಿ. ನಿಮ್ಮ ವಾಹನ ತೊಳೆಯೋದೆ ಬೇಕಿಲ್ಲ. ಹಾಗೆ ಪಾದಚಾರಿಗಳಿಗೆ ಅವರ ಶೂ ಪಾಲಿಶ್ ಮಾಡೋದೇ ಬೇಕಿಲ್ಲ. ನೋಡಿ ಹೀಗೆ ಪಾದಚಾರಿ ಮಾರ್ಗ ಇದ್ದರೂ ಇಲ್ಲಿ ನಡೆಯೋರು ಬಹಳ ಕಡಿಮೆ. ಇಲ್ಲಿನ ಜನ ನಡೆಯೋದು ಕಡಿಮೆ. ಎಲ್ಲರ ಬಳಿ ಕಾರು ಇದ್ದೆ ಇರುತ್ತೆ. ಎಲ್ಲಿಗೆ ಹೋಗಬೇಕಾದ್ರು ಕಾರು ಏರಿ ಹೋಗುತ್ತಾರೆ. ಬರಿ ನಾಯಿ ಇದ್ದರೆ ಮಾತ್ರ ಸ್ವಲ್ಪ, ಅಂಥಹವರು ನಾಯಿ ಜೊತೆ ನಡೆದು ಕೊಂಡು ಹೋಗ್ತಾರೆ. ಹಾಗೇನೆ ಸಂಚಾರಿ ಸೂಚನಾ ಕಂಬ (Traffic Signal) ದಾಟೋದು ಬಹಳ ಕಷ್ಟ. ಎಲ್ಲೆಂದರೆ ಅಲ್ಲಿ ದಾಟೋ ಹಾಗೆ ಇಲ್ಲ. ಬರೀ ವೃತ್ತ ಮತ್ತು ಚೌಕ ಗಳಲ್ಲಿ (Circle & Square) ಮಾತ್ರ ದಾಟ ಬೇಕು. ಅದೂ ಪಾದಚಾರಿ ಸೂಚನೆ ಕಂಬದಲ್ಲಿ ಮೂಡಿದಾಗ ಮಾತ್ರ. ದೊಡ್ಡ ದೊಡ್ಡ ರಸ್ತೆಗಳನ್ನು ದಾಟೋದು ಇನ್ನೂ ಬಹಳ ಕಷ್ಟ. ಇಲ್ಲಿ ಕಂಬದಲ್ಲಿ ಒಂದು switch ಕೊಟ್ಟಿರುತ್ತಾರೆ . ಅದನ್ನು ಒತ್ತಿ ಸ್ವಲ್ಪ ಸಮಯ ಕಾದ ಮೇಲೆ, ಕಂಬದಲ್ಲಿ ಪಾದಚಾರಿ ದಾಟುವ ಸೂಚನೆ ಮೂಡುತ್ತದೆ. ಆಗಲೇ ನಾವು ಆ ರಸ್ತೆಯನ್ನು ದಾಟಬೇಕು. ಇನ್ನೂ ಎಲ್ಲಾ ರಸ್ತೆಗಳು ಸಮತಟ್ಟಾಗಿ ಇರುತ್ತವೆ. ಎಲ್ಲೂ ನೀವು ಉಬ್ಬು ತಗ್ಗಿನ ರಸ್ತೆಗಳನ್ನು ಕಾಣುವುದಿಲ್ಲ. ಒಂದು ನಗರ ಬಿಟ್ಟು ಇನ್ನೊಂದು ನಗರಕ್ಕೆ ಹೋಗುವಾಗ ನಿಮಗೆ ಹೆದ್ದಾರಿಗಳ ದರ್ಶನ ಆಗುತ್ತದೆ. ಈ ಹೆದ್ದಾರಿಗಳು ಎಷ್ಟು ನೇರವಾಗಿ ಇರುತ್ತದೆ ಎಂದರೆ ನೀವು ಬಹುಷಃ ಅಳತೆ ಪಟ್ಟಿ (Scale) ಇಟ್ಟು, ಅಳತೆ ಮಾಡಬೇಕೇನೋ ಅನಿಸುತ್ತದೆ. ಈ ಹೆದ್ದಾರಿಗಳಲ್ಲಿ ನೀವು ಕಡಿಮೆ ಅಂದರೆ ೬೦ ರಿಂದ ೮೦ ಮೈಲಿ ವೇಗದಲ್ಲಿ ವಾಹನ ಚಲಾಯಿಸಬೇಕು. ಅಕಸ್ಮಾತ್ ವೇಗ ಕಡಿಮೆ ಆದರೇ, ಅದೇ ವೇಗದ ಲೇನ್ ಗೆ ವಾಹನ, ಸೂಚನೆ ಕೊಟ್ಟು ಬದಲಾಯಿಸಬೇಕು. ಇನ್ನೂ ಹೆದ್ದಾರಿಯಿಂದ ಹೊರಗೆ ಹೋಗಬೇಕಾದಲ್ಲಿ Exit ಇರುತ್ತದೆ. ಇದನ್ನು ಉಪಯೋಗಿಸಿ ನಾವು ಬೇರೆ ರಸ್ತೆಗೆ ಸೇರಿಕೊಳ್ಳಬಹುದು. ಇದೆ ಇಲ್ಲಿ ಮುಖ್ಯವಾದದ್ದು. ಯಾರನ್ನಾದರೂ ನೀವು ರಸ್ತೆ ಕೇಳಿದರೆ ಎಡ ಬಲ ಅಂತ ಹೇಳಲ್ಲ, Go By I 71, take Exit 308 A, ಹೀಗೆ ಹೇಳುತ್ತಾರೆ. ಈ ವ್ಯವಸ್ತೆ ತುಂಬ ಚೆನ್ನಾಗಿದೆ. ಬಹುಷಃ ನಮ್ಮ ಭಾರತದ ಸಿವಿಲ್ ಅಭಿಯಂತರರು ಇದನ್ನು ಸ್ಟಡಿ ಮಾಡಿ, ಅಲ್ಲಿ ರಸ್ತೆಗಳನ್ನು ನಿರ್ಮಿಸಲು ಉಪಯೋಗಿಸಿದರೆ, ಸ್ವಲ್ಪ ತ್ರಾಸ ಕಡಿಮೆ ಆಗುತ್ತೋ ಏನೋ .ಇಲ್ಲಿನ ರಸ್ತೆಗಳಲ್ಲಿ ವಾಹನ ಓಡಿಸುವುದು ಎಂದರೆ ಜನಕ್ಕೆ ಮೋಜಿನ ತರಹ. ಇನ್ನೊಂದು ವಿಶೇಷ ಅಂದರೆ ಇಲ್ಲಿ ಯಾರೂ "Horn" ಮಾಡುವುದಿಲ್ಲ. ವಾಹನದಲ್ಲಿ "ಹಾರ್ನ್" ಇಲ್ಲ ಅಂತಲ್ಲ, ಇರುತ್ತೆ ಆದರೇ ವಾಹನ ನಿಲ್ಲಿಸಿ ದಾರಿ ನೋಡಿ, ದಾರಿ ಕೊಡುತ್ತಾರೆ. ಇದರಿಂದ ಶಬ್ದ ಮಾಲಿನ್ಯ ಅಂತು ಇಲ್ವೆ ಇಲ್ಲ. ಶಬ್ದ ಮಾಡೋದು ಬೈಗುಳಕ್ಕೆ ಸಮಾನ. ಅಕಸ್ಮಾತ್ ನೀವೇನಾದ್ರು ಹಾರ್ನ್ ಮಾಡಿದರೆ ಅಲ್ಲಿ ಏನೋ ಅಪಾಯ ಅಂತ ಅರ್ಥ. ಹೆದ್ದಾರಿಗಳಲ್ಲಿ ವಿಶ್ರಾಂತಿ, ಆಸ್ಪತ್ರೆ, ಹೋಟೆಲ್, ಪೆಟ್ರೋಲ್ pump ಮುಂತಾದುವುಗಳ ಬಗ್ಗೆ ಸೂಚನಾ ಫಲಕ, ೮-೧೦ ಮೈಲುಗಳ ಮುಂಚೆನೇ ತಿಳಿಸಿರುತಾರೆ. ಇನ್ನು ವಾಯು ಮಾಲಿನ್ಯ ಅಂತು ಇಲ್ವೆ ಇಲ್ಲ ಬಿಡಿ. ನೀವು ನಾಗತಿ ಹಳ್ಳಿಯವರ "ಕಾರ್ ಕಾರ್ ಎಲ್ಲ್ನೋಡಿ ಕಾರ್" ಹಾಡು ಕೇಳಿದ್ದರೆ, ಅದರ ಪೂರ್ಣ ಅರ್ಥ ಇಲ್ಲಿ ಬಂದರೆ ಆಗುತ್ತದೆ. ಅದರ ಸಾಹಿತ್ಯ ನಾನು ಮೇಲೆ ಹೇಳಿದ ಹಾಗೆ ಇದೆ. ರಸ್ತೆಯ ಮೇಲು ಕಾರು, ಮನೆಯಲ್ಲೂ ಕಾರು, ಆಫೀಸ್ ನಲ್ಲೂ ಕಾರು. ಎಲ್ಲಿ ನೋಡಿ ಇಲ್ಲಿ ಕಾರುಗಳೇ. ಇನ್ನು ಎಲ್ಲಾ ಕಾರುಗಳಲ್ಲೂ ಆಟೋ ಮ್ಯಾಟಿಕ್ ಗೇರ್ ಇರುತ್ತೆ. ಇದರಿಂದ ಎಲ್ಲರಿಗೂ ಕಾರು ಓಡಿಸೋದು ಸುಲಭ ನೋಡಿ. ಕ್ಲಚ್ ಇಲ್ಲದೆ ಇರೋದ್ರಿಂದ eದ ಗಾಲಿಗೆ ಪೂರ್ಣ ವಿಶ್ರಾಂತಿ. ಆದರೇ ಕಾಲು ಇಟ್ಟು ಕೊಳ್ಳಲು ಪೆಡಲ್ ಇರುತ್ತೆ. ಕೆಲವು ಕಾರು ಗಲ್ಲಿ ಕ್ರೂಸ್ ಕಂಟ್ರೋಲ್ ಇರುತ್ತೆ. ಇದರ ಉಪಯೋಗ ಹೆದ್ದಾರಿಗಳಲ್ಲಿ ಜಾಸ್ತಿ/ಮಾತ್ರ . ಇಲ್ಲೇ ನೇರ ರಸ್ತೆ ಇರುವುದರಿಂದ, ಇದನ್ನು ಉಪಯೋಗ ಮಾಡಬಹುದು. ಇದನ್ನು ವಾಹನವನ್ನು ಒಂದು ವೇಗಕ್ಕೆ ತೆಗೆದುಕೊಂಡು ಹೋಗಿ, On ಮಾಡಿ ಬಿಟ್ಟು, ನಮ್ಮ ಕೈ ಕಾಲುಗಳಿಗೆ ವಿಶ್ರಾಂತಿ ಕೊಡಬಹುದು. ಇಲ್ಲಿನ ಬಹಳಷ್ಟು ಕಾರುಗಳು Mercedes Benz, Bugati, BMW, Rolls-Royce, Jaguar, Audi, Chevrolet, Nissan, VolksWagen, Toyota, Hummer, Honda, Hyundai, Dodge, Kia, Infinity, Acura, Pontiac ಆಗಿರುತ್ತವೆ. ನಮ್ಮ ಮಾರುತಿ , ಟಾಟಾ ಗಳನ್ನು ಕಾಣೋದೆ ಇಲ್ಲ. ಇನ್ನು ಸುಮ್ಮ ಸುಮ್ಮನೆ ರಸ್ತೆಯಲ್ಲಿ ವಾಹನ ನಿಲ್ಲಿಸುವ ಹಾಗಿಲ್ಲ. ಅಕಸ್ಮಾತ್ ವಾಹನ ಕೆಟ್ಟರು ಸಹ ರಸ್ತೆಯ ಮೂಲೆಯಲ್ಲಿ ನಿಲ್ಲಿಸಿ, ಪಾರ್ಕಿಂಗ್ ದೀಪ ಆನ್ ಮಾಡಬೇಕು. ಬೇರೆ ವಾಹನಗಳಿಗೆ ತೊಂದರೆ ಆಗದೆ ಇರಲಿ ಎಂಬುದೇ ಇದರ ಉಪಾಯ. ಪಾರ್ಕಿಂಗ್ ಮಾಡಲು ನಿರ್ದಿಷ್ಟ ಸ್ತಳ ಸೂಚಿಸಿರುತ್ತಾರೆ. ಅಂಗವಿಕಲರಿಗೆ ಎಲ್ಲ ಕಡೆ ವಿಶೇಷ ಪಾರ್ಕಿಂಗ್ ಇರುತ್ತದೆ. ಇಲ್ಲಿ ಬೇರೆ ಯಾರೂ, ಯಾವುದೇ ಸಮಯದಲ್ಲಿ ನಿಲ್ಲಿಸುವಂತಿಲ್ಲ. ಅಕಸ್ಮಾತ್ ಇಲ್ಲಿ ನಿಲ್ಲಿಸಿದ್ದೆನಾದರು ಪೋಲೀಸರ ಕಣ್ಣಿಗೆ ಬಿದ್ದರೆ, ನೀವು ವಾಹನದಲ್ಲಿ ಇದ್ದರೇ, ದಂಡ ಕಟ್ಟಲು ಹೇಳುತ್ತಾರೆ. ಇದನ್ನು ತಪ್ಪಿಸಿ ಕೊಳ್ಳಲು ಆಗೋದೇ ಇಲ್ಲ ಇನ್ನು ನೀವು ಇಲ್ಲವಾದಲ್ಲಿ, ಕಾರನ್ನು ಪೋಲಿಸ್ ಟಾನೆಗೆ ತೆಗೆದು ಕೊಂಡು ಹೋಗುತ್ತಾರೆ ಅಥವಾ ದಂಡ ಕಟ್ಟಲು ಚೀಟಿ ಬರೆದಿತ್ತು ವಾಹನದ ಸಂಖ್ಯೆ ನಮೂದಿಸಿಕೊಂಡು ಹೋಗುತ್ತಾರೆ . ಇನ್ನು ರಸ್ತೆಯಲ್ಲಿ ಆಂಬುಲೆನ್ಸ್, ಶಾಲಾ ವಾಹನ , ಪೋಲಿಸ್ ಮತ್ತು ಅಗ್ನಿ ಶಾಮಕ ವಾಹನಗಳು ಹೋಗುತ್ತಿದಲ್ಲಿ ನಾವು ರಸ್ತೆಯ ಬಲ ಕೊನೆಯ ಲೇನ್ ಗೆ ಹೋಗಿ, ಅವಕ್ಕೆ ದಾರಿ ಮಾಡಿ ಕೊಡಬೇಕು. ಕೆಲವೊಮ್ಮೆ ಅವರೇ ಟ್ರಾಫಿಕ್ ನಿಯಂತ್ರಣ ಕೂಡ ಮಾಡುತ್ತಾರೆ. ನಿಮ್ಮ ಕಾರನ್ನು, ಇನ್ನ್ಯಾರೋ ಓಡಿಸಲು ಸಾಧ್ಯವೇ ಇಲ್ಲ. ನಿಮಗೆ ಮತ್ತು ಕಾರಿಗೆ ವಿಮೆ ಇದ್ದರೇ ಮಾತ್ರ ಕಾರು ಓಡಿಸಬಹುದು. ಇನ್ನು ಕಾರಿನ ಸಂಖ್ಯೆ, ಸಂಕ್ಯೆಯೇ ಆಗಿರಬೇಕಿಲ್ಲ. ನಿಮ್ಮ ಹೆಸರನ್ನು ಅದರಲ್ಲಿ ಹಾಕಿಸಬಹುದು. ನಿಮ್ಮ ಇಷ್ಟವಾದ ಸಂಕ್ಯೆಯನ್ನು ಕೂಡ ಪಡೆಯಬಹುದು. ಇನ್ನು ಕಾರಿನಲ್ಲಿ ಮುಂದಿನ ಸೀಟ್ ನಲ್ಲಿ ಕೂರುವ ಯಾರೇ ಆದರೂ ಕೂಡ, ಸೀಟ್ ಬೆಲ್ಟ್ ಹಾಕಿ ಕೊಳ್ಳಲೆ ಬೇಕು. ಮಕ್ಕಳು ಮುಂದಿನ ಸೀಟ್ ನಲ್ಲಿ ಕೂರುವಂತಿಲ್ಲ. ಅಕಸ್ಮಾತ್ ಅವರಿಗೆ ಇಷ್ಟ ಅಂತಾದರೆ ನಿಮಗೆ ಕಷ್ಟ. ಏನೆ ತಪ್ಪು ನೀವು ಮಾಡಿದರು ಅಥವಾ ನಿಮ್ಮ ಮನೆಯವರು ಮಾಡಿದರು ಅದಕ್ಕೆ ಇಲ್ಲಿ ಫೈನ್ ಕಟ್ಟಬೇಕು. (ಮುಂದುವರೆಯುತ್ತೆ)

ನನ್ನ ಅಮೇರಿಕಾ ಜೀವನ.........ಭಾಗ 5

ನಾನು ಇಷ್ಟು ದಿನ ಮೋಟೆಲ್ ನಲ್ಲಿ ಇದ್ದೆ. ಅಲ್ಲಿ ಎಲ್ಲ ಚೆನ್ನಾಗಿದೆ. ಚಿಕ್ಕದು ಚೊಕ್ಕವಾದದ್ದು ಆದರೇ ಬೆಲೆ ಮಾತ್ರ ದೊಡ್ಡದು. ಅದಕ್ಕೆ ಅಪಾರ್ಟ್ಮೆಂಟ್ ಗೆ ಬದಲಾಯಿಸುತ್ತ ಇದೀನಿ. ಅಪಾರ್ಟ್ಮೆ೦ಟ್ ಗಳನ್ನು ನಮ್ಮಲ್ಲಿಯ ತರಹ ಯಾವ ಅ೦ದ ಆಕಾರದಿ೦ದ ಬೇಕಾದರೂ ಕಟ್ಟುವ೦ತಿಲ್ಲ. ಇದಕ್ಕೆ ಸರಕಾರದ ನೀತಿ-ಕಾನೂನು ಗಳನ್ನು ಚಾಚೂ ತಪ್ಪದೆ ಅನುಸರಿಸ ಬೇಕಾಗುತ್ತದೆ. ಎಲ್ಲಾ ಮನೆ ಗಳೂ ಯುರೋಪಿನ ಶೈಲಿಯದಾಗಿರುತ್ತದೆ. ಹೊರ ನೋಟದಲ್ಲಿ ಇಟ್ಟಿಗೆಯನ್ನು ಬಳಸಿದ್ದು ಗೋಚರಿಸುತ್ತದೆ. ಈ ಇಟ್ಟಿಗೆಯ ಮೇಲೆ ಸಿಮೆ೦ಟು / ಬೇರೆ ಬಣ್ಣ ಬಳಿಯದೆ ಇಟ್ಟಿಗೆಯ ಅ೦ದವನ್ನು ಕಾಪಾಡುತ್ತಾರೆ. ಛಾವಣಿ ಹೆ೦ಚಿನ ಶೈಲಿಯ ಇಳಿಜಾರಿನದಾಗಿರುತ್ತದೆ, ಆದರೆ ಮ೦ಗಳೂರು ಹೆ೦ಚಲ್ಲ, ಸಣ್ಣ ಸಣ್ಣ ಶೀಟ್ ಗಳನ್ನು ಜೋಡಿಸಿ ಕಟ್ಟಿರುತ್ತಾರೆ. ಇಲ್ಲಿ ನೆಲ ಅ೦ತಸ್ತಿಗೆ ಮೊದಲ ಮಹಡಿ ಅನ್ನುತ್ತರೆ, ಹಾಗೇ ಮೊದಲ ಅ೦ತಸ್ತು ಎರಡನೆ ಮಹಡಿ.... ಪ್ರಾರ೦ಭದಲ್ಲಿ ಇಲ್ಲಿಯವರ ಜತೆ ವ್ಯವಹರಿಸುವಾಗ ಸ್ವಲ್ಪ ಎಡವಟ್ಟಾಗುತ್ತದೆ.
ಇನ್ನು ಮನೆಯ ಬಗ್ಗೆ ಹೇಳುವುದಾದರೆ ಮನೇಲಿ ಒಂದು ಬೆಡ್ ರೂಂ, ಎರಡು ಬೆಡ್ ರೂಂ ಮನೆಗಳೇ ಜಾಸ್ತಿ. ಒಂದು ಗೃಹ ಸಂಕೀರ್ಣ (ವಟಾರ) ದಲ್ಲಿ ಬಹಳಷ್ಟು ಮನೆಗಳನ್ನು ನೀವು ಕಾಣಬಹುದು. ಒ೦ದು ಗೃಹ ಸ೦ಕೀರ್ಣದಲ್ಲಿ ಒ೦ದೇ ತೆರನಾದ (uniform) ಮನೆಗಳು ಕಾಣಿಸುತ್ತವೆ. ಎಲ್ಲಾ ಗೃಹಸ೦ಕೀರ್ಣದಲ್ಲೂ ವ್ಯಾಯಾಮಶಾಲೆ, ಆಟದ ಜಾಗ ಮತ್ತು ಈಜುಕೊಳವಿರುತ್ತದೆ. ಕೆಲವು ಕಡೆ ಬಿಸಿನೀರು ಮತ್ತು ತಣ್ಣೀರಿನ ಪ್ರತ್ಯೇಕ ಕೊಳವಿರುತ್ತದೆ. ಇನ್ನೂ ಕೆಲವು ಕಡೆ ಆಟದ ಮೈದಾನ ಕೂಡ ಇರುತ್ತದೆ. ನಮ್ಮ ಗೃಹ ಸಂಕೀರ್ಣದಲ್ಲಿ ದೊಡ್ಡ ದೂರದರ್ಶನ ಇರುವ ಕೊಟಡಿ ಕೂಡ ಇದೆ. ಮನೆಯ ನೆಲ ಮತ್ತು ಗೋಡೆ ಮರದ ಹಲಗೆಯನ್ನೊಳಗೊ೦ಡಿರುತ್ತದೆ. ನನ್ನ ಮನೆ ಅಮೆರಿಕಾದ ಮೊದಲನೇ ಮಹಡಿಯಲ್ಲಿ , ಅಂದರೆ ನೆಲ ಮಹಡಿಯಲ್ಲಿ ಇದೆ. ಮನೆಯ ಒಳಗೆ ನೆಲದ ಮೇಲೆ ಮೆತ್ತನೆಯ ನೆಲಹಾಸು (Soft Carpet) ಇರುತ್ತದೆ. ಮತ್ತೆ ಕಸ ಗುಡಿಸುವುದು ಹೇಗೆ? ಕಸವನ್ನು ಯಾರೂ ಗುಡಿಸುವುದಿಲ್ಲ, ಬದಲಾಗಿ ಗಾಳಿಯಿ೦ದ ಕೆಲಸ ಮಾಡುವ ಉಪಕರಣವನ್ನು (Vaccum Cleaner) ಎಲ್ಲರ ಮನೆಯಲ್ಲೂ ಉಪಯೋಗಿಸುತ್ತಾರೆ. ಇನ್ನು ಅಡಿಗೆ ಮಾಡಲು ವಿದ್ಯುತ್ ಓಲೆ, ಮಾಂಸ ಬೇಯಿಸಲು ಓವೆನ್, ಆಹಾರ ಬಿಸಿ ಮಾಡಲು ಓವೆನ್, ಪಾತ್ರೆ ತೊಳೆಯಲು ಡಿಶ್ ವಾಷೆರ್ ಉಪಯೋಗಿಸುತ್ತಾರೆ. ದೊಡ್ಡ ಶೀತಲ ಯಂತ್ರ ಕೂಡ ಇದೆ. ಇನ್ನು ಹವಾ ನಿಯಂತ್ರಿತ ಯಂತ್ರದಲ್ಲೇ ಬಿಸಿ ಮತ್ತು ತಣ್ಣನೆಯ ಗಾಳಿ ಬರಲು ಅವಕಾಶ ಇದೆ. ಬಟ್ಟೆ ಯಾರೂ ಜಾಸ್ತಿ ಇಲ್ಲಿ ಒಗೆಯೋದೆ ಇಲ್ಲ. ಎಲ್ಲರು ಹೊಸ ಬಟ್ಟೆ ಕೊಂಡುಕೊಳ್ಳುತ್ತಾರೆ ಜಾಸ್ತಿ. ಒಗೆಯಲೇ ಬೇಕು ಅಂದ್ರೆ ವಾಶಿಂಗ್ ಮಶೀನ್ ನ್ನು ಉಪಗೊಯಿಸುತ್ತಾರೆ. ಅದು ಕೂಡ ತಿಂಗಳಿಗೆ ಒಮ್ಮೆ ಇರಬಹುದು. ಇನ್ನು ಇದನ್ನು ಒಣಗಿಸೋಕೆ ಬಿಸಿಲೆ ಬೇಕಾಗಿಲ್ಲ. ಅದಕ್ಕೊಸ್ಕರಾನೆ Dryer ಅನ್ನೋ ಯಂತ್ರ ಇದೆ. ಇದು ಅರ್ಧ ಗಂಟೇಲಿ ಎಲ್ಲ ಒಗೆದಿರೋ ಬಟ್ಟೆ ನ ಒಣಗಿಸುತ್ತೆ. ಇವೆಲ್ಲ ಯಂತ್ರಗಳು ಕೆಲಸ ಮಾಡಬೇಕು ಅಂದರೆ ನಿಮಗೆ ವಿದ್ಯುತ್ ಬೇಕೇ ಬೇಕಲ್ವೆ. ಅಕಸ್ಮಾತ್ ಕರೆಂಟ್ ಹೋದರೆ. ಹಾಗಂತ ಕನಸಿನಲ್ಲೂ ಕೂಡ ಊಹಿಸಬೇಡಿ. ಇಲ್ಲಿ ವಿದ್ಯುತ್ ಸಮಸ್ಯೆನೇ ಇಲ್ಲ. ವರ್ಷಕ್ಕೊಮ್ಮೆ ಇವರೇ ಅದನ್ನು ಕೆಲವು ನಿಮಿಷಗಳು ಆರಿಸ್ತಾರಂತೆ ಅಂತ ಕೇಳಿದೆ. ಅದು ಕೂಡ ಅದನ್ನು ಕಂಡು ಹಿಡಿದವನನ್ನು ನೆನಪಿಸಿಕೊಳ್ಳೋ ಕೊಸ್ಕರ. ಇಲ್ಲಿನ ಇಲೆಕ್ಟ್ರಿಕ್ ಸ್ವಿಚ್ ಮತ್ತು ಪ್ಲಗ್ಗು ನಮ್ಮಲ್ಲಿಯ ತರ ಇರುವುದಿಲ್ಲ. ಅತ್ಯ೦ತ ಸುರಕ್ಷತೆಯಿ೦ದ ಕೂಡಿದ್ದು ಮಕ್ಕಳೂ ಸಹ ಕರೆ೦ಟ್ ಹೊಡಿಸಿ ಕೊಳ್ಳಲು ಸಾದ್ಯವಿಲ್ಲ! ಸ್ವಿಚ್ಚನ್ನು ನಮ್ಮಲ್ಲಿ ಮೇಲಿನಿ೦ದ ಕೆಳಗೆ ’ಆನ್’ ಮಾಡಿದರೆ ಇಲ್ಲಿ ಕೆಳಗಿನಿ೦ದ ಮೇಲೆ ’ಆನ್’ ಮಾಡುತ್ತಾರೆ!! ಹೊಸದರಲ್ಲಿ ನಮಗೆ ವ್ಯತ್ಯಾಸವಾಗುತ್ತದೆ.
ಮೇಲೆ ತಿಳಿಸಿದ ಎಲ್ಲಾ ಯಂತ್ರಗಳನ್ನು ಅವರು ನಮಗೆ ಮನೇಲಿ ಕೊಡೋದಿಲ್ಲ. ನನಗೆ ಬರೀ ವಿದ್ಯುತ್ ಒಲೆ, ಶೀತಲ ಯಂತ್ರ, ಡಿಶ್ ವಾಷರ್ ಯಂತ್ರ ಮಾತ್ರ ಕೊಟ್ಟಿದ್ದಾರೆ. ಉಳಿದವುಗಳನ್ನು ಬಾಡಿಗೆಗೆ ಅಥವಾ ಹೊಸದಾಗಿ ಕೊಂಡುಕೊಳ್ಳ ಬಹುದು. ಇನ್ನು ಸ್ನಾನದ ಮನೆಯ ವಿಷಯಕ್ಕೆ ಬಂದರೆ, ಇಲ್ಲಿ ಅಪ್ಪಿ ತಪ್ಪಿ ಬಕೆಟ್, ಚಂಬು ಹುಡ್ಕೋಕೆ ಹೋಗಬೇಡಿ. ಇಲ್ಲಿ shower ನಿಂದಾನೆ ಸ್ನಾನ ಮಾಡೋದು. ಬಿಸಿ/ತಣ್ಣೀರು ಹದ ಮಾಡಿ ಕೊಳ್ಳಲು ನಲ್ಲಿಯಲ್ಲಿಯೆ ಹೊ೦ದಾಣಿಕೆ ಗಳಿರುತ್ತವೆ. ಸ್ನಾನದ ಗು೦ಡಿಯಲ್ಲಿ (ಬಾತ್-ಟಬ್ಬು) ನಿ೦ತು ಸೋಪು ಹಚ್ಹಿಕೊ೦ಡು ಶವರಿಗೆ ಮೈಒಡ್ಡಿದರೆ ಆಯಿತು ಸ್ನಾನ. ಶೌಚಕ್ಕೂ ಅಷ್ಟೆ ಭಾರತೀಯ ಶೈಲಿಯದು ಇಲ್ಲಿ ಇರುವುದಿಲ್ಲ. ಶೌಚಾಲಯ ಬೇರೆ ಸ್ನಾನದ ಕೊನೆ ಬೇರೆ ಅಲ್ಲ. ಸ್ನಾನದ ಕೋಣೆಯಲ್ಲೇ ಒಂದು ಶೌಚದ ಡಬ್ಬ ಇರುತ್ತೆ. ಅದು ಭಾರತದ ಮಾದರಿಯದ್ದಲ್ಲ. ಇಲ್ಲಿ ಎಲ್ಲವೂ ಪೇಪರ್ ಮಯ. ಏನಕ್ಕೆ ಅಂತೀರಾ , ಒರೆಸಿ ಕೊಳ್ಳೋಕೆ .
ಅಮೆರಿಕಾ ಕೂಡ ನಮ್ಮ ದೇಶದ೦ತೆ ಇ೦ಗ್ಲೆ೦ಡಿನ ಹಿಡಿತದಲ್ಲಿತ್ತು, ಸ್ವಾತ೦ತ್ರ್ಯ ಬ೦ದು 235 ವರ್ಷಗಳಾಯಿತು. ಹಾಗಾಗಿ ಇಲ್ಲಿ ಬ್ರಿಟೀಶರ ಕುರುಹುಗಳನ್ನು ಕಾಣಬಹುದು. ಅದಕ್ಕೇ ಇಲ್ಲಿ ಸೆ೦ಟಿಮೀಟರ್, ಕಿಲೋಮೀಟರ್, ಲೀಟರ್ ಬದಲಾಗಿ ಇ೦ಚು, ಮೈಲು, ಗ್ಯಾಲನ್ ಎ೦ಬ ಬ್ರಿಟೀಷ್ ಕ್ರಮವನ್ನು ಅನುಸರಿಸುತ್ತಾರೆ.ಇಲ್ಲಿಯ ಹಣವೆಂದರೆ 'ಡಾಲರ್'. ನಮ್ಮ ರೂಪಾಯಿ ಇಲ್ಲಿ ಡಾಲರ್ ಮತ್ತು ಪೈಸ ಅಂದ್ರೆ 'ಸೆಂಟ್'.ಆದರೆ ಒಂದು ಡಾಲರ್ ಬೆಲೆ/ಮೌಲ್ಯ ಸುಮಾರು ನಮ್ಮ 50 ರೂಪಾಯಿಗಳಿಗೆ ಸಮ (ಇದು ದಿನವೂ ಬದಲಾವಣೆ ಆಗುತ್ತದೆ ಅಂತ ನಿಮಗೆ ಗೊತ್ತಿರಬಹುದಲ್ಲ).
ಅಮೇರಿಕಾದಲ್ಲಿ ಸರ್ವೇ ಸಾಮಾನ್ಯವಾಗಿ (85%) ಜನ ಮಾತನಾಡುವುದು ಇ೦ಗ್ಲೀಷ್ ಭಾಷೆ. ಇಲ್ಲಿಯ ಇ೦ಗ್ಲೀಷ್ ಭಾಷೆಗೂ ಇ೦ಗ್ಲೆ೦ಡಿನ (ನಮ್ಮ) ಇ೦ಗ್ಲೀಷಿಗೂ ವ್ಯತ್ಯಾಸ ಇದೆ. ಅದಕ್ಕೇ ಅಮೆರಿಕನ್ ಇ೦ಗ್ಲೀಷ್ ಎನ್ನುತ್ತಾರೆ. ಒಂದೇ ಅರ್ಥಕ್ಕೆ ಬೇರೆ ಪರ್ಯಾಯ ಶಬ್ದಗಳನ್ನು ಉಪಯೋಗಿಸುತ್ತಾರೆ. ಉದಾಹರಣೆಗೆ 'toilet' ಗೆ 'rest room', petrol-gas, ground floor-first floor, curd-yogurt, Police-Cop, Z - Zee, Zero - O ಇತ್ಯಾದಿ. ಮೊದಮೊದಲು ಬಹಳ ಭ್ರಮಣೆ (confuse) ಕೂಡ ಆಗುತ್ತದೆ!
ಆಮೆರಿಕ ಬಹಳ ದೊಡ್ಡ ದೇಶ.ನಾವು ಭಾರತವನ್ನೇ ದೊಡ್ಡ ದೇಶ ಎನ್ನುತ್ತೇವೆ.(ಜನಸಂಕ್ಯೆಯಲ್ಲಿ) ಅಮೆರಿಕ ವಿಸ್ತೀರ್ಣ ದಲ್ಲಿ ಭಾರತಕ್ಕಿ೦ತ ಸುಮಾರು ಮೂರು ಪಟ್ಟು ದೊಡ್ಡದು. ವಿಮಾನದಲ್ಲಿ ಕುಳಿತರೆ ಅಮೆರಿಕದ ಪೂರ್ವ ಅಂಚಿನಿಂದ ಪಶ್ಚಿಮ ಅಂಚು ತಲುಪಲು ಸುಮಾರು ೧೦ ಘಂಟೆ ಬೇಕೇ ಬೇಕು. ಇದರಿಂದಲೇ ನಿಮಗೆ, ಅಮೆರಿಕಾದ ಗಾತ್ರದ ಅರಿವಾಗಬಹುದು. ಆದರೆ ಜನಸ೦ಖ್ಯೆಯಲ್ಲಿ ಮಾತ್ರ ಭಾರತದ ನಾಲ್ಕನೆ ಒ೦ದು ಭಾಗ!
ಇಲ್ಲಿ ಒಟ್ಟು 50 ರಾಜ್ಯ ಗಳಿವೆ. ಇದರ ಗುರುತಿಗಾಗಿ ಅಮೇರಿಕಾದ ಬಾವುಟದಲ್ಲಿ 50 ನಕ್ಷತ್ರಗಳಿವೆ. ಈ 50 ರಾಜ್ಯಗಳಲ್ಲಿ ಟೆಕ್ಸಾಸ್’, ನ್ಯೂಯಾರ್ಕ್ ,ನ್ಯೂ ಜೆರ್ಸಿ, ಓಹಿಯೋ, ಕ್ಯಾಲಿಫೋರ್ನಿಯಾ, ಫ್ಲೋರಿಡ, ವಾಶಿಂಗ್ ಟನ್, ಇವೆ ಮುಖ್ಯವಾದುವು.

ನನ್ನ ಅಮೇರಿಕಾ ಪಯಣ.........ಭಾಗ 5

ಚಿಕಾಗೋ ವಿಮಾನ ನಿಲ್ದಾಣ ಏನು, ಒಸಿ ಚಿಕ್ಕದಲ್ಲ. ಇದು ಸುಮಾರಾಗೆ ಇದೆ. ಇಲ್ಲೂ ಬಸ್, ಉಗಿ ಬಂಡಿ ಕೂಡ ಇದೆ(ವಿಮಾನ ನಿಲ್ದಾಣದ ಒಳಗೆನೆ). ಇದೇ ನನ್ನ ಮೊದಲ ಅಮೆರಿಕ ಪ್ರಯಾಣ ಮತ್ತು ಮೊದಲ ಭೇಟಿಯ ನಗರವಾದದ್ದರಿಂದ ಇಲ್ಲಿ ನನ್ನನ್ನು ತಪಾಸಣೆ ಮಾಡಿ ಮುಂದೆ, ಹೋಗಲು ಬಿಡುತ್ತಾರೆ. ಇದು ಕೆಲವರು ದೊಡ್ಡ ಮತ್ತು ಮದ್ಯಮ ಅಮೆರಿಕ ನಗರಗಳಲ್ಲಿ ಮಾತ್ರ ಮಾಡುತ್ತಾರೆ. ಪ್ರತಿಯೊಬ್ಬನಿಗೂ ಇಲ್ಲೇ ತಪಾಸಣೆ ಮಾಡಿ ಮುಂದೆ ಹೋಗಲು ಬಿಡುತ್ತಾರೆ. ಇಲ್ಲೇ ನಾನು ಅಮೆರಿಕ ದಲ್ಲಿ ಎಷ್ಟು ದಿನ ಉಳಿಯಬಹುದು ಎಂದು ನನ್ನ ಪಾಸ್ಪೋರ್ಟ್ ನಲ್ಲಿ, ಟಸ್ಸೇ ಹಾಕಿ ಮುದ್ರಿಸುತ್ತಾರೆ. (SEAL/RUBBER STAMP). ಇದಕ್ಕೋಸ್ಕರ ಮತ್ತೊಂದು ಅರ್ಜಿ(I-94) ಭರ್ತಿ ಮಾಡಿ , ಸಂದರ್ಶನ ಕ್ಕೆ ಹೋದೆನು. (Immigration Check). ಇಲ್ಲಿ ಮತ್ತೆ ಅದೇ ಪ್ರಶ್ನೋತ್ತರ ಸಮಾವೇಶ, ಚೆನ್ನೈ ನಲ್ಲಿ ನಡೆದ ತರ. ಕೊನೆಗೆ ಅಂತು ಇಂತೂ ಅಮೆರಿಕ ದಲ್ಲಿ ಒಳಗೆ ಹೋಗಲು ಬಿಟ್ರು. ಇಲ್ಲಿಂದ ನಾನು ಸ್ವಲ್ಪ ಆರಾಮಾಗಿ ಓಡಾಡಬಹುದು. ಮುಂದೆ ಕೊಲಂಬಸ್ ಗೆ ಪಯಣ, ಇಲ್ಲಿಂದ ಮುಂದೆ ಬರಿ ಅಮೆರಿಕ ವಿಮಾನಗಳು ಮಾತ್ರ ಹೋಗುತ್ತವೆ. ನಾನು ಕೂಡ ಅಮೆರಿಕನ್ ಏರ್ ಲೈನ್ಸ್ ವಿಮಾನದಲ್ಲಿ ಹೋಗಬೇಕಿತ್ತು. ಅದಕ್ಕೆ ನನ್ನ ಸಾಮಾನು ಸರಂಜಾಮು ಗಳನ್ನೂ ಬ್ರಿಟಿಶ್ ಏರ್ ವೇಸ್ ನಿಂದ ತೆಗೆದು ಅಮೆರಿಕನ್ ಏರ್ ಲೈನ್ಸ್ ವಿಮಾನಕ್ಕೆ ಸ್ತಳಾನ್ತರಿಸಿದೆ. ಮತ್ತೆ ಅದೇ ಸೆಕ್ಯೂರಿಟಿ ತಪಾಸಣೆ ನಡೆಯಿತು. ಇಲ್ಲಿಂದ ಮುಂದೆ ನನ್ನ ವಿಮಾನದ ಗೇಟ್ ಬಳಿ ಬಂದೆ. ಕೊಲಂಬಸ್ ನಲ್ಲಿ ಮಳೆ ಬರುತ್ತಿದ್ದ ಕಾರಣ, ಅಲ್ಲಿಗೆ ಹೋಗುವ ಕೊನೆಯ ವಿಮಾನ (ನಾನು ಹೋಗೋದು) ರದ್ದಾಗೋ ಪರಿಸ್ತಿತಿ ಉಂಟಾಗಿತ್ತು. ಆದರೇ ಕಾಲ ಕ್ರಮೇಣ ಮಳೆ ಕಡಿಮೆ ಆದ ಕಾರಣ ಸ್ವಲ್ಪ ತಡವಾಗಿ ವಿಮಾನ ಹೊರಡುತ್ತದೆ ಎಂದು ಘೋಷಣೆ ಮಾಡಿದರು. ಸಮಯವಿದ್ದ ಕಾರಣ ಮತ್ತೆ ನನ್ನ ಅಣ್ಣನಾದ ವೆಂಕಟೇಶನಿಗೆ ದೂರವಾಣಿ ಕರೆ ಮಾಡೋಣ ಎಂದುಅನಿಸಿತು. ನನ್ನ ಬಳಿ ಚಿಲ್ಲರೆ ಇಲ್ಲ. ಚಿಲ್ಲರೆ ಗೋಸ್ಕರ, ಒಂದು ಕಿತ್ತಳೆ ರಸದ ಸೀಸೆಯನ್ನು ಕೊಂಡು ಕೊಂಡೆನು . ಬೆಲೆ ಎಷ್ಟು ಅಂತ ಕೇಳಬೇಡಿ. ಕೇವಲ 3.5$. ಚಿಲ್ಲರೆ ಏನೋ ಸಿಕ್ತು ಆದರೇ ಕರೆ ಮಾಡಲಿಕ್ಕೆ ಮಾತ್ರ ಆಗಲಿಲ್ಲ. ಯಾರೂ ಸಹಾಯ ಮಾಡೋರು ಕೂಡ ನನಗೆ ಕಾಣಿಸಲಿಲ್ಲ. ಕೊನೆಗೆ ನಾನು ಹೊರಡೋ ವಿಮಾನದ ಗೇಟ್ ಅನ್ನು ಬದಲಾವಣೆ ಮಾಡುತ್ತಿದ್ದರು. ಹೇಗೋ ಕೊನೆಗೆ ನನ್ನ ವಿಮಾನ ಹೊರಡಲು ನಿಲ್ದಾಣಕ್ಕೆ ಬಂದಿತು. ಇದು ಬಹಳ ಚಿಕ್ಕ ವಿಮಾನ. ದೇಶೀ ವಿಮಾನ ನೋಡ್ರಿ ಅದಕ್ಕೆ. ಕೇವಲ ಒಂದು 30 ಸೀಟ್ ಗಳು ಇರಬಹುದು. ಅದರಲ್ಲಿ ಕೇವಲ 8-10 ಜನ ಮಾತ್ರ ಇದ್ದರು. ಇದು ನಮ್ಮ ಬಿ.ಎಂ. ಟಿ.ಸಿ ಬಸ್ ತರ ಅನ್ಕೊಬಹುದು. ಆದ್ರೆ ಇದರಲ್ಲಿ ಭಯ ಜಾಸ್ತಿ ಆಗುತ್ತೆ. ಇಲ್ಲಿಂದ ಕೊಲಂಬಸ್ ಕೇವಲ ಒಂದು ಗಂಟೆ ಪ್ರಯಾಣ. ಮಳೆ ಸುರಿತಾನೆ ಇದೇ. ಮೋಡಗಳನ್ನು ಭೇಧಿಸಿ, ನಮ್ಮ ವಿಮಾನದ ಕಪ್ತಾನ ನಮ್ಮನ್ನು ಕರೆದೊಯುತ್ತಿದ್ದಾರೆ. ಏನು ಗುಡುಗು,ಏನು ಮಿಂಚು ಆದರು ನಮ್ಮನ್ನ್ನು ಹುಷಾರಾಗಿ ದಡ ಸೇರಿಸಿದರು ಕಪ್ತಾನ ಸಾಹೇಬರು. ನಾನು ವಿಮಾನ ಇಳಿದಾಗ ಗಂಟೆ 12.30 ರಾತ್ರಿ, ಕೊಲಂಬಸ್ ನಲ್ಲಿ. ಇಲ್ಲಿಂದ ನನ್ನ ಸಾಮಾನು ಸರಂಜಾಮುಗಳನ್ನು ತೆಗೆದು ಕೊಂಡು, ಒಂದು ಬಾಡಿಗೆ ಕಾರಲ್ಲಿ ನನ್ನ ಹೋಟೆಲ್ ಗೆ ಹೋಗೋಣ ಎಂದು, ಅದನ್ನು ಹುಡುಕಲು ಕಾರಿನ ನಿಲ್ದಾಣಕ್ಕೆ ಬಂದೆ. ರಾತ್ರಿ ೧ ಗಂಟೆ ಆದರು ಕೂಡ ಇಲ್ಲಿ ಬೇಕಾದಷ್ಟು ಪ್ರಯಣಿಕರಿದ್ರು. ನನಗೆ ಬಾಡಿಗೆ ಕಾರು ದೊರೆಯಲು ಸ್ವಲ್ಪ ಸಮಯ ಹಿಡಿಯಿತು. ಬಾಡಿಗೆ ಕಾರು ದೊರೆತ ನಂತರ, ನನ್ನ ಹೋಟೆಲ್ ಆದ "Extended Stay Deluxe" ನ ಬಳಿ ಕರೆದೊಯ್ಯಲು ಡ್ರೈವರ್ ಗೆ ಹೇಳಿದೆ. ಅವನು ಮಳೆ ಬರುತ್ತಿದ್ದರು ಕೂಡ ನಿದಾನವಾಗಿ car ಚಲಾಯಿಸಿ, ನನ್ನನ್ನು ಹೋಟೆಲ್ ಬಳಿ ಇಳಿಸಿದನು. ಬಾಡಿಗೆ ಕಾರಿನ ದರ 40$ . ಇಲ್ಲಿಗೆ ನನ್ನ ಪ್ರಯಾಣ ಮುಗಿಯಿತು. ಇನ್ನು ಹೋಟೆಲ್ ನಲ್ಲಿ ನನ್ನ ಆಫೀಸಿನ ಸ್ನೇಹಿತರಾದ ಪ್ರಶಾಂತ್ ಮತ್ತು ಗಿರೀಶ್ ರವನ್ನು ಸಂಪರ್ಕ ಮಾಡಿ ಒಂದು ರೂಮಿನಲ್ಲಿ ಇಳಿದ್ಕೊಂಡೆ. ಈ ರೂಮಿನಲ್ಲಿ ಇದಕ್ಕೂ ಮುಂಚೆ ಖ್ವಾಜಾ ಶೈಖ್ , ಎನ್ನುವವನ ಜೊತೆ ರೂಮನ್ನು ಹಂಚಿಕೊಳ್ಳುವುದು ಎಂದು ನಿರ್ಧರಿಸಿದೆ. ಮುಂದೆ ಸ್ನಾನ ಮಾಡಿ ಮಲಗಿದ್ದಷ್ಟೇ. ನಾಳೆಯಿಂದ ಆಫೀಸ್ ಬೇರೆ ಹೋಗಬೇಕು. ಇಲ್ಲಿಗೆ ನನ್ನ ಅಮೆರಿಕಾದ ಪಯಣದ ಕಥನ ಮುಗಿಯಿತು. ಮುಂದೆ ಅಮೆರಿಕದ ಜೀವನ ಬಗ್ಗೆ ಬರಿತೇನೆ. ಕಾತುರದಿಂದ ಎದುರು ನೋಡ್ತಾ ಇರ್ತೀರಾ? ??

http://ravinrao.blogspot.com/2010/06/4.html
http://ravinrao.blogspot.com/2010/06/3.html
http://ravinrao.blogspot.com/2010/06/2.html
http://ravinrao.blogspot.com/2010/05/1.html

ನನ್ನ ಅಮೇರಿಕಾ ಪಯಣ.........ಭಾಗ 4

ಜ್ಯೋತ್ಸ್ನಾ ಕೊಟ್ಟಳು, ಏನನ್ನ ಅಂತೀರಾ ಅವಳ ಇಮೇಲ್ ಮಾತ್ರ. ನಿಮಗೆಲ್ಲಾ ಕೊಡೋಲ್ಲಪ್ಪ. ಹಾಗೂ ಹೀಗೂ ಲಂಡನ್ ಬಂತು. ಲಂಡನ್ ನ ವಿಮಾನ ನಿಲ್ದಾಣದ ಹೆಸರು "Heathrow".(ಹೀ ಥ್ರೂ ) ಬಾರಿ ದೊಡ್ಡದು. ವಿಮಾನ ನಿಲ್ದಾಣದಲ್ಲಿ ಪ್ಲಾಟ್ ಫಾರ್ಮ್ ಗಳನ್ನೂ ಟರ್ಮಿನಲ್ ಎಂದು ಕರೆಯುತ್ತಾರೆ. ಒಂದು ಟರ್ಮಿನಲ್ ನಲ್ಲಿ ಎಷ್ಟು ಬೇಕಾದರು ಗೇಟ್ ಇರುತ್ತೆ. ಗೇಟ್ ಮೂಲಕ ನೆ ಒಳಗೆ ಹೋಗೋದು ಮತ್ತು ಹೊರಗೆ ಬರೋದು. ಲಂಡನ್ ನಲ್ಲಿ ಬೇಕಾದಷ್ಟು ಟರ್ಮಿನಲ್ ಗಳು ಇವೆ. ಇಲ್ಲಿ ಪ್ರಯಾಣಿಕರಿಗೆ ಏನೇ ವಿಷಯ ತಿಳಿದು ಕೊಳ್ಳಲು ಮೂಲ ಮಾರ್ಗ ಅಂದರೆ, ನೋಟಿಸ್ ಬೋರ್ಡ್ ವೀಕ್ಷಣೆ ಮಾಡುವುದು. ಹಾಗು ಬೇರೆನಾದರು ವಿಷಯ ಅಂದರೆ ವಿಮಾನದ ಹೊರಡುವ, ಬರುವ ಸಮಯ, ಟರ್ಮಿನಲ್, ಗೇಟ್ ಗಳ ಬಗ್ಗೆ ವಿಷಯ ತಿಳಿಯ ಬೇಕಿದ್ದಲ್ಲಿ ಬೇರೆ ಪ್ರಯಣಿಕರನ್ನೇ ಕೇಳಿ ತಿಳಿಯಬೇಕು. ಕಸ್ಟಮರ್ ಸರ್ವಿಸ್ ಇದೆ, ಆದ್ರೆ ಅದು ಟಿಕೆಟ್ ಬೂಕ್ಕಿಂಗ್ ಮತ್ತು ಕ್ಯಾನ್ಸೆಲ್ ಗೆ ಮಾತ್ರ. ಜ್ಯೋತ್ಸ್ನಾಮತ್ತು ನನ್ನ ಟರ್ಮಿನಲ್ ಒಂದೇ ಆದದ್ದರಿಂದ ಇಬ್ಬರು ಜೊತೇಲೆ ಹೊರಗೆ ಬಂದು ಅಡ್ಡಾ ಡಿದೆವು. ಸ್ವಲ್ಪ ಸಮಯದ ನಂತರ ಅವಳು, ಅವಳ ವಿಮಾನದ ಗೇಟ್ ತೆರೆದ ಮೇಲೆ, ವಿಮಾನವನ್ನು ಹತ್ತಲು ಹೊರಟಳು. ವಿಮಾನದ ಒಳಗೆ ಹೋಗ್ಬೇಕು ಅಂದ್ರು ಚೆಕ್ ಅಪ್ ಮಾಡ್ತಾರೆ, ಇಳಿದ ಮೇಲು ಚೆಕ್ ಅಪ್ ಮಾಡ್ತಾರೆ. ನಾನು ಅವಳನ್ನು ಬೀಳ್ಕೊಡುಗೆ ಮಾಡಿ, ನನ್ನ ಟರ್ಮಿನಲ್ ಮತ್ತು ಗೇಟ್ ಹುಡುಕಿ ಕೊಂಡು ಹೊರಟೆನು.ಅದು ಸೇರಲು, ಇಲ್ಲಿ ಉಗಿ ಬಂಡಿ ಮತ್ತು ಬಸ್ ಕೂಡ ಉಪಯೋಗಿಸ ಬೇಕಾಗಿ ಬಂತು. ಇದೆಲ್ಲ ಉಚಿತ ನೆ, ಮತ್ತು ವಿಮಾನ ನಿಲ್ದಾಣ ದ ಒಳಗೆ ಇದೆಲ್ಲ ಇದೆ. ಏನೇ ಆದರು ಲಂಡನ್ ವಿಮಾನ ನಿಲ್ದಾಣ ಮಾತ್ರ ಬಾರಿ ದೊಡ್ಡದು. ಮದ್ಯೆ ಇನ್ನು ವಿಮಾನ ಹತ್ತಲು ಸಮಯ ಇದ್ದಿದ್ದರಿಂದ, ಮನೆಗೆ ಮತ್ತು ಸ್ನೇಹಿತರಿಗೆ ದೂರವಾಣಿ ಕರೆ ಮಾಡೋಣ ಎಂದು ಮನಸ್ಸಾಯಿತು. ಆದರೇ ಲಂಡನ್ ನಲ್ಲಿ ಪೌಂಡ್ ಬೇಕು. ನನ್ನ ಹತ್ತಿರ ಡಾಲರ್ ಮತ್ತು ರೂಪಾಯಿಗಳು ಮಾತ್ರ ಇತ್ತು. ರೂಪಾಯಿಗೆ ಪೌಂಡ್ ತಕೊಳೋಣ ಅಂದ್ರೆ, ಹತ್ತಿರ ಹತ್ತಿರ 100 ರೂ ಗಳಿಗೆ ಒಂದು ಪೌಂಡ್ ಸಿಗುತ್ತೆ. ಹಾಗು ಹೀಗೂ 5 ಡಾಲರ್ ಕೊಟ್ಟು ಪೌಂಡ್ ತಕೊಂಡೆ. ಎಷ್ಟು ಸಿಕ್ತು ಗೊತ್ತಾ? ಕೇವಲ 3 ಪೌಂಡ್. ಅದರಲ್ಲಿ 1.5 ಪೌಂಡ್ ಅವನ ಕಮಿಷನ್; ಬೇರೆ. ಕೈಗೆ ಬಂದಿದ್ದು ೧.೫ ಪೌಂಡ್ ಮಾತ್ರ. ಅದನ್ನು ಉಪಯೋಗಿಸಿ ದೂರವಾಣಿ ಮಾಡೋಣ ಅಂದ್ರೆ, ಅದು ಮಾಡಕ್ಕೆ ಆಗ್ಲಿಲ್ಲ. ಹೋದರೆ ಹೋಗಲಿ ಇಂಟರ್ನೆಟ್ ಮೂಲಕ ಇ-ಮೇಲ್ ಮಾಡೋಣ ಅಂದ್ರೆ ಅದಕ್ಕೆ ಸರಿಯಾದ ಹಣ(ಕಾಯಿಂಸ್) ನಾನಾ ಬಳಿ ಇಲ್ಲ. ಹೇಗೋ ಏನು ಆಗಲಿಲ್ಲ. 5 ಡಾಲರ್ ವ್ಯರ್ಥ ಆಯಿತು. ನಂತರ ನನ್ನ ಮುಂದಿನ ಸ್ತಳವಾದ, ಚಿಕಾಗೋ ಗೆ ನನ್ನ ಪಯಣ ಬೆಳೆಸಿದೆ. ಇದು ಕೂಡ ಬ್ರಿಟಿಶ್ ಏರ್ ವೇಸ್, ವಿಮಾನ. ಈಗ ನನ್ನ ಸೀಟ್ ಅದೇ ಮೂರು ಸೀಟ್ ಗಳ ಕೊನೆಯಲ್ಲಿ ಇತ್ತು. ಆದ್ರೆ ಆ ಇಬ್ಬರು, ದಂಪತಿ ಗಳಾಗಿದ್ದರು. ಇಲ್ಲಿ ನಾನು ಪೂರ್ತಿ ಮೌನ ವಾಗಿದ್ದೆ. ಅವ್ರು ತಮಿಳು ಜನಗಳು ಬೇರೆ. ನಾನೇನು ಹೆಚ್ಚು ಮಾತಾಡಲು ಆಗಲಿಲ್ಲ. ಮತ್ತೆ ಅದೇ ಊಟ, ತಿಂಡಿ, ಹಣ್ಣಿನ ರಸ ಗಗನ ಸಖಿಯರು ಕೊಟ್ಟರು. ಈ ಬಾರಿ ನಾನು ದ್ರಾಕ್ಷಾ ರಸ ದ ಪ್ರಯತ್ನ ಮಾಡಲಿಲ್ಲ. ಈ ವಿಮಾನ ದ ಪ್ರಯಾಣ ಕೂಡ 8 ಗಂಟೆಯಾಗಿತ್ತು. ಇದಕ್ಕೂ ಮುಂಚೆ ಬೆಂಗಳೂರು-ಲಂಡನ್ ಪ್ರಯಾಣ 10 ಗಂಟೆ ತೆಗೆದುಕೊಂಡಿತ್ತು. ವಿಮಾನದಲ್ಲಿ ಮತ್ತೆ ಅದೇ ಚಲನ ಚಿತ್ರ, ರೇಡಿಯೋ ನೋಡಿದೆ. ಆದರೇ ಯಾವುದು ಒಳ್ಳೆಯದು ಇಲ್ಲವಾದ್ದರಿಂದ ಮಲಗಲು ಪ್ರಯತ್ನ ಮಾಡಿದೆ. ಆದ್ರೆ ನಿದ್ದೆ ಬರಲಿಲ್ಲ. ಹಾಗೂ ಹೀಗೂ ವಿಮಾನದಲ್ಲೇ ಇರುವ ವಿಶ್ರಾಂತಿ ಕೊಟಡಿಗೆ,ಹೋಗಿ ಬಂದು ಸಮಯ ಕಳೆದೆ. ಭಾರತದ, ಲಂಡನ್ ನ ಮತ್ತು ಚಿಕಾಗೋ ನ, ಕಾಲಮಾನ ಬೇರೆ ಯಾದ್ದರಿಂದ ನನಗೆ ಎಷ್ಟು ಸಮಯ, ಹೇಗೆ ಕಳೆಯುತ್ತದೆ, ಅನ್ನೋದೇ ಗೊತ್ತಾಗಲಿಲ್ಲ. ಅಂತು ಇಂತೂ ಚಿಕಾಗೋ ಬಂತು. ಅಮೆರಿಕ ದಲ್ಲಿ ನನ್ನ ಮೊದಲ ಬಲ ಪಾದವನ್ನು ಇಟ್ಟು ಪಾದಾರ್ಪಣೆ ಮಾಡಿದೆ. ಮುಂದೇನಾಗುತ್ತೋ ಕಾದು ನೋಡೋಣಾ........


http://ravinrao.blogspot.com/2010/06/3.html
http://ravinrao.blogspot.com/2010/06/2.html

http://ravinrao.blogspot.com/2010/05/1.html

ನನ್ನ ಅಮೇರಿಕಾ ಪಯಣ.........ಭಾಗ 3

"Wake Up SID", ಈ ಹಿಂದಿ ಚಲನಚಿತ್ರದಲ್ಲಿ ನಟ ರಣಬೀರ್ ಕಪೂರ್ ನ ಅಭಿನಯ ಅಧ್ಭುತ ಅಂತ ಹೇಳ್ಬೇಕು. ಈತ ಹೊಸ ನಾಯಕ ನಟನಾದ್ರು, ಅಭಿನಯ ನುರಿತನ ಹಾಗೆ. ನಾನು ಇದಕ್ಕೆ ಮುಂಚೆ ಈತನ "AZAB PREM KI GAZAB KAHANI" ಚಲನಚಿತ್ರ ನೋಡಿದ್ದೇ. ಅದರಲ್ಲೂ ಇವನ ಅಭಿನಯ ಚೆನ್ನಾಗಿತ್ತು. ಹಾಗೆ ಈ ಚಲನಚಿತ್ರ ನೋಡಲು ಕೂಡ ಮನಸ್ಸಾಯಿತು. ಇನ್ನು ನಟಿ ಕೊನ್ಕೋಣಸೇನ್, ಇವಳ ಅಭಿನಯ ನಾನು "Page 3" ಮತ್ತು "Life...in a Metro" ದಲ್ಲಿ ನೋಡಿದ್ದೆ. ಅದೇ ಅಭಿನಯ ಈ ಚಿತ್ರದಲ್ಲಿ ಕೂಡ. ಚಿತ್ರದ ಬಗ್ಗೆ ಹೇಳಬೇಕು ಎಂದರೆ, ನಟ ಸಿದ್ದಾರ್ಥ್ ದೊಡ್ಡ ವ್ಯಾಪಾರಸ್ತರ ಮಗ. ಇವನಿಗೆ ತನ್ನ ತಂದೆಯ ಹಣವನ್ನು ಹೇಗೆ ಖರ್ಚು ಮಾಡೋದು ಅನ್ನೋದೇ ಗುರಿ. ಇವನ ಪದವಿ ಪರೀಕ್ಷೆ ಮುಗಿದ ಮೇಲೆ, ತಂದೆ ತನ್ನ ಕಛೇರಿಯಲ್ಲೇ ಇವನಿಗೆ ಕೆಲಸ ಮಾಡಲು ಆಹ್ವಾನಿಸುತ್ತಾರೆ. ಇವ್ನು ಒಪ್ಪಿಕೊಳ್ತಾನೆ, ಯಾವಾಗ ಗೊತ್ತಾ, ತಂದೆ ಇವನಿಗೆ ಕಾರು ಕೊಡಿಸ್ತೇನೆ ಅಂತ ಭರವಸೆ ಕೊಟ್ಟ ನಂತರ. ಇನ್ನೋದ್ ವಿಶಯ ಅಂದ್ರೆ, ಇವನಿಗೆ ಫಾರ್ಮಲ್ ಡ್ರೆಸ್ ಅಂದ್ರೆ ಆಗಲ್ಲ, ಅದೇ ಅಂಗಿ ಮತ್ತು ಪ್ಯಾಂಟ್ . ಯಾವಾಗಲೂ T-Shirt ಧರಿಸಿ ಕಚೇರಿಗೆ ಹೋಗ್ತಾ ಇರ್ತಾನೆ. ಇದು ಮತ್ತು ಕೆಲವು ಅಂಶಗಳನ್ನು ಗಮನಿಸಿದ ಇವನ ತಂದೆ, ಇವನನ್ನು ಮನೆಯಿಂದ ಹೊರಗೆ ಕಳಿಸ್ತಾರೆ. ಇವನಿಗೆ ನಟಿ ಪರಿಚಯ, ತನ್ನ ಸ್ನೇಹಿತೆಯಿಂದ ಆಗಿರುತ್ತೆ. ಇವಳನ್ನು ಅವ್ನು ಇಷ್ಟ ಪಡ್ತಿದೀನಿ ಅಂತ ಹೇಳ್ತಾನೆ. ಅವಳು ಒಪ್ಪಲ್ಲ. ಹೀಗೆ ಕಥೆ ಮುಂದುವರಿದು, ಇವ್ನು ಒಂದು ಒಳ್ಳೆ ಛಾಯಾಗ್ರಾಹಕ ಆಗತಾನೆ. ಇವ್ಳು ದಿನ ಪತ್ರಿಕೆಯ ಲೇಖಕಿ ಆಗ್ತಾಳೆ. ಇವನಿಗೆ ಕೆಲಸ ಕೊಡಿಸೋದು ಕೂಡ ನಟೀನೆ. ಹೀಗೆ ಇವ್ನು ಒಂದು ಒಳ್ಳೆ ಸಮಯ ನೋಡಿ ತನ್ನ ತಂದೆಗೆ ತನ್ನ ಬಗ್ಗೆ ತಿಳಿಸುತ್ತಾನೆ ಹಾಗೂಅವರು ಒಪ್ಪಿಕೊಂಡ ನಂತರ ತನ್ನ ಮನೆಗೆ ವಾಪಸ್ಸಾಗುತ್ತಾನೆ. ಇಷ್ಟಕ್ಕೂ ಮುಂಚೆ ನಟಿಯ ಮನೆಯಲ್ಲಿ ಟಿಕಾಣಿ ಹೂಡಿ ಅವಳನ್ನು, ಬಿಟ್ಟು ಬಂದಾಗ, ಇಬ್ಬರಿಗೂ ಸಹಜ ಪ್ರೀತಿಯಾಗಿ, ಮತ್ತೆ ಇವಳನ್ನು ಭೇಟಿಯಾಗಲು ವಾಪಸ್ಸಾಗುತ್ತಾನೆ. ಇಲ್ಲಿಗೆ ಚಲನ ಚಿತ್ರ ಮುಗಿಯಿತು. ಬೇರೆ ಇಂಗ್ಲಿಷ್ ಭಾಷೆಯ ಚಿತ್ರಗಳಾದ "ಅವತಾರ್", "How To Train your Dragon" ಕೂಡ ನೋಡಲು ಪ್ರಾರಂಭಿಸಿದೆ. ಆದರೇ ಪೂರ್ತಿ ಮಾಡಲಿಲ್ಲ. ಇನ್ನು ರೇಡಿಯೋ ಕಥೆಗೆ ಬಂದ್ರೆ, ನಾನು ಕೇಳದೆ ಇರೋ ಇಂಗ್ಲಿಷ್, ಸ್ಪಾನಿಶ್, ಜಪಾನೀಸ್ ಭಾಷೆದವು. ಅದರಲ್ಲಿ ಅಷ್ಟು ಮಜಾ ಸಿಗ್ಲಿಲ್ಲ. ಮುಂದೆ ಗಗನ ಸಖಿಯರಿಂದ ಹಣ್ಣಿನ ರಸ ಪೂರೈಕೆ. ಜ್ಯೋತ್ಸ್ನಾ ಕೆಂಪು ಬಣ್ಣದ ದ್ರಾಕ್ಷಾ ರಸ ತಗೊಂಡ್ಲು. ನಾನೇನು ಕಡಿಮೆ ಅಂತ ಅದನ್ನೇ ತಗೊಂಡೆ. ನಿಮಗೆ ಬ್ರಾಂಡಿ, ವಿಸ್ಕಿ ಕೂಡ ಇತ್ತು. ಏನುಬೇಕಾದರೂ ತಕೊಬಹುದು. ಅದರ ಜೊತೆಗೆ ಆಪಲ್ ರಸ, ಮಾವಿನ ರಸ, ಕಿತ್ತಳೆ ರಸ, ಕೋಕ್ ಕೂಡ ಇತ್ತು. ಕೆಂಪು ಬಣ್ಣದ ದ್ರಾಕ್ಷಾ ರಸ ಏಕೆ ತಕೊಂಡ್ಲು ಅಂತ ನನಗೆ ಗೊತ್ತಿಲ್ಲ,, ತಿಳ್ಕೊಬೇಕು, ಏನ್ ಮಾಡೋದು. ಇದು ಹೃದಯಕ್ಕೆ ಒಳ್ಳೇದು ಅನ್ನೋದು ನಿಮಗೆ ಗೊತ್ತಾ ? ನನಗಂತೂ ಗೊತ್ತಿರಲಿಲ್ಲ ಬಿಡಿ, ಜ್ಯೋತ್ಸ್ನಾ ಹೇಳೋ ವರೆಗೂ. ಅದರಷ್ಟು ಬೇಗ ಪ್ರಭಾವ ಬೀರುವ ಇನ್ನೊಂದು ರಸ ಇರಲ್ಲ ಬಿಡಿ. ನನಗೆ ಕುಡಿದ ಮತ್ತು ನೆತ್ತಿಗೇರಿ ಹಾಗುಹೀಗೆ ಸ್ವಲ್ಪ ಮಲ್ಕೊಂಡೆ. ಮತ್ತೆ ಎಚ್ಚರ ಆದಾಗ, ಹೀಗೆ ಮಾತು ಕಥೆ ಮುಂದುವರೆದು, ಇನ್ನೇನು ನನ್ನ ಮೊದಲ ವಿಮಾನ ಪ್ರಯಾಣ ಮುಗಿಯೋ ಸಮಯ ಬಂತು. ಅಂದರೆ ಲಂಡನ್ ಹತ್ತಿರ ಬಂತು, ನನಗೆ ಅವಳ ಫೋನ್ ಸಂಖ್ಯೆ ಅಥವಾ ವಿಳಾಸ ತಿಳಿದು ಕೊಲ್ಲಬೇಕು ಅನ್ನೋ ಕಾತುರ . ಕೇಳೆಬಿಟ್ಟೆ ಕೊನೆಗೆ, ಕೊಟ್ಳು ನೋಡಿ, ಏನನ್ನ ಅಂತೀರಾ......, ಹೇಳ್ತೀನಿ, ಇನ್ನು ಕಥೆ ಮುಗಿದಿಲ್ಲ ......ಮುಂದುವರಿತಾನೆ ಇರುತ್ತೆ.... ?
http://ravinrao.blogspot.com/2010/06/2.html
http://ravinrao.blogspot.com/2010/05/1.html

ನನ್ನ ಅಮೆರಿಕ ಪಯಣ.........ಭಾಗ 2

ಹೀಗೆ ಮಾತು ಕಥೆ ಜ್ಯೋತ್ಸ್ನಳ ಜೊತೆ ನಡೀತಾ ಇದೆ. ಅವಳು ದೆಹಲಿ ಇಂದ ಬಂದು ಬೆಂಗಳೂರಿನಲ್ಲಿ ಮದುವೆ ಆಗಿ ನೆಲೆಸಿದ್ದಾಳೆ. ಸದ್ಯಕ್ಕೆ ಅವಳ ಮಾವ ಅತ್ತೆ ಜೊತೆ ಕಲ್ಯಾಣ ನಗರದಲ್ಲಿ ಇದಾಳೆ. ಇವಳ ಗಂಡ ನನ್ನ ತರಹ ಗಣಕ ಯಂತ್ರ ಅಭಿಯಂತರ. ನ್ಯೂ ಜರ್ಸಿ , ಅಮೇರಿಕಾದಲ್ಲಿ ಇದ್ದಾನೆ. ಎರಡು ಕಾರ್ ಬೇರೆ ಇದೆ ಯಂತೆ ಅವನ ಹತ್ತಿರ. ಈಕೆ ಹಲ್ಲಿನ ಡಾಕ್ಟರ. ಇವಳು ಅಮೇರಿಕಾದಲ್ಲಿ ಕೆಲಸ ಆ ಮಾಡೋ ಹಾಗೆ ಇಲ್ಲ. ಏಕೆ ಗೊತ್ತ, ಯಾವುದೇ ಡಾಕ್ಟರ ಪದವಿ ಅಮೆರಿಕಾದ ಹೊರಗೆ ಮಾಡಿದ್ದರೆ ಅದು ಅಮೇರಿಕಾದಲ್ಲಿ ನಿಮಗೆ ಕೆಲಸ ಸಿಗೋ ಹಾಗೆ ಮಾಡಲ್ಲ. ಅಂದರೆ ಇಲ್ಲಿನ ವರು ಅದನ್ನು ಅಂಗೀಕರಿಸುವುದಿಲ್ಲ. ಅದಕ್ಕೆ ಈಕೆ ವಿದ್ಯಾರ್ಥಿಯಾಗಿ ತನ್ನ Clinical ಉನ್ನತ ಪದವಿಯನ್ನು ಮಾಡುತ್ತಿದ್ದಾಳೆ, ಅಮೇರಿಕಾದಲ್ಲಿ. ಕೆಲವು ದಿನಗಳ ಹಿಂದೆ ಯಷ್ಟೇ ಬೆಂಗಳೂರಿಗೆ ಬಂದಿದ್ದಳು. ತನ್ನ ಅತ್ತೆ ಮಾವನನ್ನು ನೋಡಲು. ಈಗ ಹಿಂತಿರುಗುತ್ತಿದ್ದಾಳೆ. ನ್ಯೂ ಜರ್ಸಿ ಯಲ್ಲಿ ನನ್ನ ಅಣ್ಣನಾದ ವೆಂಕಟೇಶನು ಇರುವನು ಎಂದು ಅವಳಿಗೆ ತಿಳಿಸಿದೆ. ಹಾಗು ನನ್ನ ಅತ್ತಿಗೆಯಾದ ಪೂರ್ವಿ ಕೂಡ ಅವನಜೊತೆ ಇರುವಳು. ಈಕೆ ಗರ್ಭಿಣಿ ಇನ್ನೇನು ತನ್ನ ಕಂದಮ್ಮನ ನಿರೀಕ್ಷೆಯಲ್ಲಿ ಇದ್ದಾಳೆ ಎಂದು ಜ್ಯೋತ್ಸ್ನಳಿಗೆ ತಿಳಿಸಿದೆನು. ಹಾಗು ನನಗೆ ಸಮಯ ಸಿಕ್ಕಲ್ಲಿ ನ್ಯೂ ಜರ್ಸಿಗೆ ಬರುವು ದಾಗಿ ಕೂಡ ಆಕೆಗೆ ತಿಳಿಸಿದೆನು. ಈಗ ಊಟದ ಸಮಯ ಗಗನ ಸಖ ಸಖಿಯರು, ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಊಟಗಳನ್ನು ವಿಂಗಡಿಸಿ, ಎಲ್ಲ ಪ್ರಯಾಣಿಕರಿಗೂ ಹಂಚಿದರು. ನಾನು ಮತ್ತು ಜ್ಯೋತ್ಸ್ನಾ ಸಸ್ಯಾಹಾರಿ ಊಟ ತೆಗೆದು ಕೊಂಡೆವು , ಅವಳು ಸಸ್ಯ ಹಾರಿನೆ. ಆದರೇ ಅವಳ ಗಂಡ ಸಸ್ಯಾಹಾರಿಯಿಂದ ಮಾಂಸಾಹಾರಿ ಯಾಗಿ ಪರಿವರ್ತನೆ ಆಗಿದ್ದಾನೆ ಎಂದು ತಿಳಿಸಿದಳು. ಅಮೇರಿಕಾದಲ್ಲಿ ಎಲ್ಲ ಹೀಗೆ ಆಗೋದು. ನನ್ನ ಅಣ್ಣ ವೆಂಕಟೇಶನು ಕೂಡ ಹೀಗೇನೆ. ಅವನ ಕಥೆ ಬರೆಯಲಿಕ್ಕೆ ಸ್ವಲ್ಪ ಸಮಯ ಬೇಕ್ರಪ್ಪ. ಊಟದ ಬಗ್ಗೆ ಹೇಳ್ಬೇಕು ಅಂದ್ರೆ ಚೆನ್ನಾಗೆ ಇತ್ತು. ಸ್ವಲ್ಪ ಬಿಸ್ಕೆಟ್, ಬನ್, ಚಾಕಲೇಟ್ ಇತ್ಯಾದಿ ಕೂಡ ಇತ್ತು. ಈಗ ನನ್ನ ಸೀಟ್ ನ ಮುಂದೆ ಇದ್ದ ದೂರದರ್ಶನದಲ್ಲಿ ಏನೇನು ಇದೆ ಎಂದು ವೀಕ್ಷಣೆ ಶುರುವಾಯಿತು. ಇದೆ ಮೊದಲ ಬಾರಿ ವಿಮಾನ ಪ್ರಯಾಣವಾದ್ದರಿಂದ ಇದನ್ನು ಹೇಗೆ ಉಪಯೋಗಿಸೋದು ಎಂದು ತಿಳಿದಿರಲಿಲ್ಲ. ನಂತರ ಅಭ್ಯಾಸ ಆಗಿ ಹೋಯಿತು. ಇದು ಸ್ಪರ್ಶದ ಪರದೆ. ಅಂದರೆ ನಿಮಗೆ ಇಲ್ಲಿ ಬೇಕಾದಷ್ಟು ವಿಷಯಗಳಾದ ರೇಡಿಯೋ, ಚಲನಚಿತ್ರ, ಮಾರ್ಗದ ನಕ್ಷೆ, ಹೀಗೆ ಹಲವಾರು ಇದ್ದವು. ನೀವು ನಿಮಗೆ ಬೇಕಾದ ವಿಷಯವನ್ನು ಸ್ಪರ್ಶಿಸಿ ಆಯ್ಕೆ ಮಾಡಿಕೊಳ್ಳಬೇಕು. ನಾನು ಚಲನಚಿತ್ರಕ್ಕೆ ಹೋಗಿ, ಹಿಂದಿ ಭಾಷೆಯ ಚಲನಚಿತ್ರ ದ ಆಯ್ಕೆ ಮಾಡಿದೆನು. ಇಲ್ಲಿ ಬರಿ ರಾಷ್ಟ್ರೀಯ ಭಾಷೆಗಳ ಚಲನಚಿತ್ರಗಳು ಮಾತ್ರ ಇದಾವು. ಕನ್ನಡತೆಲುಗು, ತಮಿಳು ಮುಂತಾದ ಪ್ರಾದೇಶಿಕ ಭಾಷೆಗಳ ಚಲನ ಚಿತ್ರಗಳು ಇಲ್ಲಿ ಸಿಗಲ್ಲ. ಹಾಗೇನೆ ರೇಡಿಯೋ ಕೂಡ, ಬರೀ ಇಂಗ್ಲಿಷ್, ಸ್ಪಾನಿಶ್, ಫ್ರೆಂಚ್ ಮುಂತಾದುವು ಮಾತ್ರ ಇಲ್ಲಿ ಇರುತ್ತೆ. ನಾನು ಹಿಂದಿ ಚಲನ ಚಿತ್ರ "Wake Up SID" ವೀಕ್ಷಣೆ ಪ್ರಾರಂಭ ಮಾಡಿದೆ...ಇದು ಹೇಗಿದೆ ಅಂತ ಮುಂದಿನ ಭಾಗದಲ್ಲಿ ಹೇಳ್ತೀನಿ. .....
http://ravinrao.blogspot.com/2010/05/1.html

ನನ್ನ ಅಮೆರಿಕ ಪಯಣ.........ಭಾಗ 1

ನಲ್ಮೆಯ ಗೆಳೆಯ ಗೆಳತಿಯರೆ,
ನಾನು ದಿನಾಂಕ 14 ನೆ ಬೆಳಿಗ್ಗೆ ನನ್ನ ಅಮೆರಿಕ ಪಯಣ ಆರಂಭಿಸಿದೆನು. ನಾನು ಹೋಗಬೇಕಾದ ಜಾಗ ಕೊಲಂ ಬಸ್ ಗೆ ನೇರ ವಿಮಾನ ಇಲ್ಲವಾದ ಕಾರಣದಿಂದ, ಎರಡು ಮೂರು ವಿಮಾನ ಬದಲಾಯಿಸಿ ಕೊಲಂ ಬಸ್ ಸೇರಿದೆನು.
ದಿನಾಂಕ 14 ರ ಬೆಳಿಗ್ಗೆ 2.30 ಕ್ಕೆ ಬೆಂಗಳೂರಿನ ನನ್ನ ಮನೆಯಾದ, ಹೊಸಕೆರೆಹಳ್ಳಿ ಬಿಟ್ಟು, ದೇವನಹಳ್ಳಿ ಅಂತರ ರಾಷ್ಟ್ರೀಯ ವಿಮಾನ ನಿಲ್ದಾಣ ವನ್ನು 3.30 ಕ್ಕೆ ಸೇರಿದೆನು. ಇಲ್ಲಿ ಸಮಯ ವಿಲ್ಲವಾದದ್ದರಿಂದ ನನ್ನನ್ನು ಬೀಳ್ಕೊಡುಗೆ ಮಾಡಲು ಬಂದಿದ್ದ ಅಮ್ಮ, ಅಪ್ಪ, ಅಣ್ಣ(ಶ್ರೀನಿವಾಸ್) , ಹಾಗೂ ನನ್ನ ಸ್ನೇಹಿತರಾದ ಶ್ರೀನಿವಾಸ್ ಮತ್ತು ಕಿರಣ್ ರನ್ನು ಹೊರಗೆ ಬಿಟ್ಟು, ವಿಮಾನ ನಿಲ್ದಾಣ ಪ್ರವೇಶಿಸಿದೆನು. ಇಲ್ಲಿ ನನ್ನ ಮೊದಲ ವಿಮಾನದ ಗಗನ ಸಕಿಯರನ್ನು ವಿಚಾರಣೆ ಮಾಡಿ, ನನ್ನ ಸಾಮಾನು ಸರಂಜಾಮು ಗಳನ್ನೂ ತಪಾಸಣೆ ಮಾಡಿಸಿ, ಸರಿಯಾದ ತೂಕ ವಾದ 20 ಕಿಲೋ ಗ್ರಾಂ ಇದೆ ಎಂದು ನಿಗದಿ ಪಡಿಸಿ, ನನ್ನ ಪೂರ್ತಿ ಪ್ರಯಾಣದ ನಿರ್ಗಮನ ಟಿಕೆಟ್ ಗಳನ್ನೂ ಪಡೆದೆನು. ಇದಕ್ಕೂ ಮುಂಚೆ, ಅಂತರ್ಜಾಲದಲ್ಲಿ ಇದೆ ಟಿಕೆಟ್ ಗಳನ್ನೂ, ನನ್ನ ಕಚೇರಿಯವರು ಕಾಯಿದಿರಿಸಿದ್ದರು. ಇಲ್ಲಿಂದ ನಾನು ಮುಂದೆ ಮೊದಲನೇ ಮಹಡಿಗೆ ತೆರಳಬೇಕಾದ್ದರಿಂದ, ನನ್ನವರಿಗೆ ಫೋನ್ ಕರೆ ಮಾಡಿ, ನಾನು ಹೊರಡುತ್ತಿದ್ದೇನೆ, ಹಾಗೂ ನೀವು ಇನ್ನು, ಮನೆಗೆ ತೆರಳಬಹುದು ಎಂದು ತಿಳಿಸಿದೆನು. ನನ್ನ ತಾಯಿಯ ಕಣ್ಣಿರನ್ನು ಕಾಣದೆ ಹೋದರು ಕೂಡ, ಒಂದು ತಾಯಿಗೆ ಕಂದನ ಅವಶ್ಯಕತೆ ಎಷ್ಟು, ಎಂದು ತಿಳಿದೆನು. ಇಲ್ಲಿಂದ ಮೊದಲನೇ ಮಹಡಿಗೆ ತೆರಳಿ, ಇಲ್ಲಿ ನನ್ನ ವಲಸೆ ಹೋಗುವಿಕೆ ಬಗ್ಗೆ, ಸಣ್ಣ ಸಂದರ್ಶನ ನಡೆಸಿದರು. ಈ ಸಂದರ್ಶನದಲ್ಲಿ ನನ್ನ ವೀಸಾ ಬಗ್ಗೆ ಪ್ರಶ್ನಿಸಿದರು. ನನ್ನ ಉತ್ತರಗಳೆಲ್ಲ ಸರಿ ಇದ್ದರಿಂದ ನನ್ನ ವಲಸೆ(IMMIGRATION CHECK) ಹೋಗುವಿಕೆ ಕಾರ್ಯ ಸಂಪೂರ್ಣ ಆಯಿತು. ಮುಂದೆ ವಿಮಾನ ಹತ್ತುವುದೇ ಉಳಿದಿತ್ತು. ಈಗಾಗಲೇ ಸಮಯ ೫ ಗಂಟೆ ಆಗಿತ್ತು. ೫.೩೦ ಕ್ಕೆ ನನ್ನವರ ಜೊತೆ ಮಾತನಾಡಿ, ೬ ಗಂಟೆಗೆ ವಿಮಾನ ಹತ್ತಿದೆನು. ಇದಕ್ಕೂ ಮುಂಚೆ ಪ್ರತಿಯೊಬ್ಬ ಪ್ರಯಾಣಿಕನನ್ನು ಗಗನ ಸಖ, ಸಖಿಯರು ತಪಾಸಣೆ ಮಾಡಿದರು. ನನ್ನ ಸೀಟ್ ನಂಬರ್ ನ್ನು ಹುಡುಕಿ ಕೊಂಡು ಹೋದೆನು. ನನ್ನ ಸೀಟ್ ನಂಬರ್ 20 B ಆಗಿತ್ತು, B ಅನ್ನುವುದು A & C ಮದ್ಯದಲ್ಲಿ ಬರುತ್ತದೆ ಎನ್ನುವುದು ನಿಮಗೆಲ್ಲ ತಿಳಿದಿರುವ ವಿಷಯವೇ. ಇದರಲ್ಲೇನು ಸ್ವಾರಸ್ಯ ಎಂದು ಕೇಳ್ತಿರಾ? A & C ನಲ್ಲಿ ಹುಡುಗಿಯರು ಕೂತಿದ್ರು, ನಾನು ಅವರ ಮದ್ಯದಲ್ಲಿ ಕೂರಬೇಕಾಗಿತ್ತು. ತಕ್ಷಣ ನನಗೆ ಇದೆ ತರಹದ ವೀಡಿಯೊ ನೋಡಿದ ಜ್ಞಾಪಕ ಆಯಿತು. ಆದರು ಏನ್ ಮಾಡೋದು ಕೂರಲೆಬೇಕಲ್ವ ಕೂತ್ಕೊಂಡೆ. ನಂತರ ನಮ್ಮ ಕೈ ಬ್ಯಾಗ್ ಗಳನ್ನೂ, ವಿಮಾನದ ಒಳಗೆ ಲಗ್ಗೇಜ್ ಜಾಗದಲ್ಲಿ ಇತ್ತು, ಕುಳಿತುಕೊಂಡೆವು. ಮೊದಲ ಹುಡುಗಿಯ ಪರಿಚಯ, ಜ್ಯೋತ್ಸ್ನಾ ಇವಳ ಹೆಸರು, ಸುಂದರಿಯು ಕೂಡ ಆದ್ರೆ ಏನೋ ನನ್ನ ಅದೃಷ್ಟ ನೆ ಸರಿ ಇಲ್ಲ ನೋಡಿ, ಅವಳಿಗೆ ಆಗಲೇ ಮದುವೆ ಆಗಿತ್ತು. ಇನ್ನೊಂದು ವಿಷಯ ಅಂದ್ರೆ ಇವಳು ಕೂಡ ಬ್ರಾಮ್ಹಿನ್. ಇನ್ನೊಬ್ಳು ಜಪಾನೀಸ್ , ಇವಳ ಬಗ್ಗೆ ಮಾತಾಡೋದೇ ಬೇಡ. ನನ್ನ ಬಾಷೆ ಇವಳಿಗೆ ಬರಲ್ಲ್ಲ. ಈಗ ಗಗನ ಸಖಿಯರಿಂದ ಒಂದು ಪ್ರಕಟಣೆ "ಎಲ್ಲರು ಸೀಟ್ ಬೆಲ್ಟ್ ಧರಿಸಿ ಎಂದು". ಎಲ್ಲರು ಧರಿಸಿದ ಮೇಲೆ, ವಿಮಾನ ಹಾರಾಟ ಪ್ರಾರಂಭ ಆಗ್ತಿದೆ.... ನನಗೆ ಮೊದಲ ವಿಮಾನ ಪ್ರಯಾಣ ವಾದ್ದರಿಂದ ಏನೋ ಒಂತರ ಆಗ್ತಿದೆ. ಕಣ್ಣು ಮುಚ್ಚಿ ಕುಳಿತೆ. ವಿಮಾನ ಹಾರಿತು. ಮತ್ತೆ ಗಗನ ಸಖಿಯರಿಂದ ಒಂದು ಪ್ರಕಟಣೆ "ಎಲ್ಲರು ಸೀಟ್ ಬೆಲ್ಟ್ ತೆಗೆಯಬಹುದು" . ಈಗ ಕಣ್ಣು ತೆರೆದು ನೋಡ್ತೇನೆ ಮೋಡಗಳನ್ನು ಭೇದಿಸಿ ಮುನ್ನುಗ್ಗುತ್ತಿದೆ ನಮ್ಮ ವಿಮಾನ. ಹೇಳೋದೇ ಮರೆತೇ, ಈ ವಿಮಾನ BRITISH AIRWAYS ಸಂಸ್ತೆ ಯದ್ದು. ಇದು ಬೆಂಗಳೂರಿನಿಂದ ಲಂಡನ್ ವರೆಗೆ, ಹೋಗುತ್ತೆ. ಇನ್ನೋದ್ ವಿಷ್ಯ ಗೊತ್ತ , ಎಲ್ಲ ವಿಮಾನಗಳು ನಾನ್ಸ್ಟಾಪ್, ಎಕ್ಷ್ಪ್ರೆಸ್ , ಹೇಗೆ ಬೇಕಾದರು ಕರೆಯಿರಿ. ಮತ್ತೆ ಜ್ಯೋತ್ಸ್ನಳ ಜೊತೆ ಮಾತು ಕಥೆ ಮುಂದುವರೆಯುತ್ತದೆ............................